«Ընդունելության քննությունները տեղի կունենան հուլիսի սկզբին». ԿԳՄՍ նախարար

«Հարցը շատ ենք քննարկել և ընտրել ենք օպտիմալ տարբերակը: Ըստ ընթացակարգի, միասնական քննությունների համար դիմորդները նախնական հայտերը լրացրել են մինչև մարտի 15-ը, բայց քանի որ ընթացակարգի փոփոխություն է տեղի ունենում, ապա անհրաժեշտ է հայտերի փոփոխության և ճշգրտման ժամանակ տալ թե՛ արդեն հայտագրվածներին, թե՛ նախորդ տարիների շրջանավարտներին և այն դիմորդներին, որոնք նպատակադրվել էին դիմել այլ բուհեր, որոնց քննություններն անորոշ ժամանակով հետաձգվել են: Ընդ որում, առաջարկվում է միավորել քննությունների հայտագրման գործընթացը բուհեր դիմելու դիմում-հայտեր լրացնելու գործընթացի հետ»,- այս մասին ֆեյսբուքյան ուղիղ եթերում ասաց  Կրթության, գիտության, մշակույթի և սպորտի նախարար Արայիկ Հարությունյանը՝ անդրադառնալով բուհերում ընդունելության քննություններին:

Նախարարը տեղեկացրեց, որ մայիսի 25-ից  դիմորդներին հնարավորություն կտրվի հայտագրվելու մինչև հունիսի 15-ը, միևնույն ժամանակ՝ դիմորդները հնարավորություն կունենան ընտրելու թե՛ քննական առարկան, թե՛ բուհն ու մասնագիտությունը: Մինչև մարտի 15-ը մի քանի քննության համար հայտագրված դիմորդներին կվերադարձվեն քննությունների համար վճարված գումարները փոխանցման միջոցով:

«Այսինքն՝ արդեն հասկացանք, որ հանձնելու ենք մեկ քննություն: Մենք հիմա առաջարկները ստացել ենք բուհերից, բայց դրանք քննարկելու ենք, դրանք վերջնական չեն և մինչև ամսի 30-ը կասենք, թե որ մասնագիտության դեպքում, որն է լինելու միակ առարկան: Լուծել ենք նաև տեղաշարժի խնդիրները, այսինքն՝ ամբողջ հանրապետությունով մեկ իրականացնելու ենք այդ քննությունները ոչ զանգվածային կերպով, այսինքն՝սահմանափակ դիմորդներ կլինեն մեկ տարածքում դիմակներով, ախտահանման միջոցներով, և այլն:

Քննությունները կհանձնեն հուլիսի սկզբին՝ առաջին տասնօրյակի ընթացքում, այս հետաձգումն ինչ-որ չափով արել ենք, որպեսզի այն խնդիրները, որոնք եղել են արտակարգ դրության ժամանակ, կարողանան վերականգնել կամ ամրացնել այն գիտելիքերը, որն ունեցել են:Իսկ հայտերը կընդունվեն էլեկտրոնային եղանակով»,- շեշտեց Ա. Հարությունյանը:

Ըստ նախարարի՝ ապրիլի 30-ից սկսած դիմորդները լիարժեք երկու ամիս ունենալու են քննություններին պատրաստվելու համար:

Ինչ վերաբերում է բանավոր քննություններին, ապա այն չի անցկացվելու, սպորտի և արվեստի բուհերի մասնագիտական քննությունների դեպքում էլ մեկ միասնական քննություն կանցկացվի:

«Մագիստրատուրա ընդունվելու համար ժամկետներ էին սահմանված հուլիսի 5-20-ը, առաջարկել ենք գործընթացը սկսել նախատեսվածից մեկ շաբաթ ուշ՝ այսինքն՝ հուլիսի 16 -30-ը:  Ասպիրանտուրա ընդունվելու գործընթացի մասով առաջարկում ենք կասեցնել մրցութային չհանդիսացող օտար լեզու, ինֆորմատիկա և տեղեկատվական հաղորդակցական հիմունքներից ստացած համապատասխան միավորը հավաստող վկայականի կամ տեղեկանքի ներկայացման պահանջը: Առաջարկում ենք գործընթացն իրականացնել հունիսի 16-30-ը:

Քոլեջներում և ուսումնարաններում ընդունելությունը կատարվելու է օգոստոսին՝ հիմնականում ատեստատների գնահատականներով, բացի արվեստի և առողջապահական հաստատություններից, որտեղ իրականացվում է մեկական քննություն նույն սկզբունքներով, ինչ բուհերի ընդունելության քննության ժամանակ, հայտերի ընդունումը նույնպես իրականացվելու է էլեկտրոնային եղանակով»,- եզրափակեց Արայիկ Հարությունյանը:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով