Առողջապահության նախարարի մամուլի խոսնակ Ալինա Նիկողոսյանն իր ֆեյսբուքյան էջում գրառում է կատարել՝ տեղեկացնելով, որ երեկ հիվանդությունների վերահսկման և կանխարգելման ազգային կենտրոնի լաբորատորիայում հետազոտությունները ժամանակավորապես դադարեցված են եղել:
Գրառումն ամողջությամբ ներկայացնում ենք ստորև.
«Հարգելի հայրենակիցներ,
Տեղեկացնում ենք, որ մարտի 22-ին կենսանվտանգության առանձնահատկություններից ելնելով` ՀՀ ԱՆ հիվանդությունների վերահսկման և կանխարգելման ազգային կենտրոնի լաբորատորիայում հետազոտությունները ժամանակավորապես դադարեցվել են: Իրականացվել է եզրափակիչ ախտահանում:
Վաղ առավոտից լաբորատորիան կրկին աշխատում է ողջ ներուժով և ամեն հաջորդող օրը` առավոտյան 10:00-ին կհրապարակվեն նոր տվյալներ:
Խնդրում ենք չկորցնել զգոնությունը և հետևել նախարարության բոլոր հորդորներին»:
Հիշեցնենք, որ ՀՀ-ում այս պահին կա կորոնավիրուսի հաստատված 194 դեպք: Երեկ վարչապետ Նիկոլ Փաշինյանը հայտարարել էր 4 դեպքի մասին, իսկ այսօր առավոտյան նոր դեպքերի մասին չէր հաղորդվել:
