Կներեք, լռելու տեղ էլ չի մնացել…
Նիկոլ Փաշինյանի գլխավորած կառավարությունը սպառիչ լուծումներ չի առաջարկում ծանր վիճակում հայտնված մեր հայրենակիցների խնդիրներին լուծում տալու համար։
Հայաստանի Հանրապետությունը կանգնած է կոլապսի առջև, իսկ դրանից ամենաառաջինը տուժելու է սոցիալապես անապահով և միջին խավը։
Պարզից էլ պարզ է, որ սխալները և անգործությունը կոծկելու համար ներկայիս կառավարությունը մեղավորներ պետք է փնտրեր։
Սկսենք սկզբից.
Երբ կորոնավիրուսը տարածվեց Չինաստանում և հետզհետե մոտենում էր մեր սահմաններին, երկրի ղեկավարի մակարդակով հնչում էին 1-ին դասարանում սովորող երեխայի մակարդակի հայտարարություններ, այն է թե Կորոնավիրուսն ում շունն է , որ մեզ կպնի, կամ ԹՈՒ-ԹՈՒ-ԹՈՒ ամեն ինչ լավ է։
Առողջապահության նախարար Արսեն Թորոսյանը պատեհ և անպատեհ առիթներով անլրջացնում էր վիրուսի լրջությունը և տեղին ու անտեղին կատակներ էր անում։
Երբ երկրի ղեկավարն ու առողջապահության նախարարը մատնված էին անգործության ԲՀԿ նախագահ Գագիկ Ծառուկյանը ՀՀ ԱԺ-ում լրագրողների հետ հարցուպատասխանի ժամանակ ասաց, որ պետք է լուրջ քայլեր ձեռնարկել, քանի որ երկրի տնտեսությունը կգահավիժի։
Հորդորեց 14 օրյա կարանտին սահմանել, որպեսզի մեր հայրենակիցները ապահովագրված լինեն չարիք դարձած վիրուսից։
Ի՞նչ եղավ հետո, շարունակենք.
Բազմահազարանոց ՊՈԱԿ-ի ֆեյքերը ԲՀԿ նախագահի առաջարկները սոցիալական ցանցերում ուղղորդված այլ կերպ ներկայացրեցին հանրությանը և մաքսիմում փորձեցին խեղաթյուրել իրականությունը։
Երբ արդեն ՀՀ-ում հայտնվեցին առաջին վիրուսակիրները, (Սա նույնպես խնդրին մատների արանքով նայելու արդյունքում եղավ) վարչապետը փախավ ընտանիքով Սևան, իսկ Արսեն Թորոսյանը սկսեց դիմակ կրել։
Ինչ խոսք անլուրջ է և ծիծաղելի։
Արդեն իսկ վերը նշված մտքերի մեջ գրել եմ , որ կառավարությունը ձախողելով հնարավոր ու անհնարինը պետք է մեղավորներ փնտրեր կոծկելու համար ձախողումները։
Սկսվեց հարձակման երկրորդ փուլը Գագիկ Ծառուկյանի անձի և ԲՀԿ-ի դեմ։
Մի քանի վաճառված լրագրողներ ԱԺ-ում սադրիչ հարցադրումներով և ուղղորդված հարցերով փորձեցին Գագիկ Ծառուկյանին մեղադրել հայրենակիցներին օգնություն ցույց չտալու մեջ , քանի որ նա խոշոր սեփականատեր է։
Գագիկ Ծառուկյանն արդեն իսկ իր կողմից ահռելի օգնություն էր տրամադրել կորոնավիրուսով վարակվածների բուժման և վիրուսի դեմ պայքարելու համար նախատեսված ֆոնդին 60 միլիոն դրամի չափով։
Երբ լրագրողներն անդաստիարակության չափ ու սահմանն անցան իրենց հարցադրումներում, ԲՀԿ նախագահն ասաց , որ ինքն արդեն օգնություն տրամադրել է և չնայած նրան , որ տրամադրել է հայրենակիցների և պետության խնդիրներով զբաղվելու պատասխանատվությունը կառավարության վրա է , այլ ոչ թե իր։
Այս ամենից հետո սկսվեց հարձակումների և սրբապղծության 3-րդ ալիքը։
Մի շարք սրբապիղծներ,(Տարոն Չախոյան, Արմեն Չիբուխչյան, Հմայակ Հովհաննիսյան , Լիզա Ճաղարյան) կրկին ուղղորդված օր ու գիշեր , ազգի խնդիրը անտեսելով փորձում էին Նիկոլ Փաշինյանի և իրենց նեղ-անձնական շահերն առաջ տանելու համար Գագիկ Ծառուկյանի բարձր վարկանիշի վրա ազդել անիմաստ մեմեր պատրաստելով և հանրությանը կեղծ տեղեկատվություն տրամադրելով։
Այս տարբերակը նույնպես չանցավ, քանի որ վերը նշված սրբապիղծները ստացան իրենց համարժեք և պատասխան հարվածները և արդարության համար պետք է նշեմ, որ նրանց նյութերին 80 տոկոսով արձագանքեցին Փաշինյան Նիկոլի համար աշխատող ՊՈԱԿ-ի ֆեյքերը, ովքեր արդեն իսկ մատնել են իրենց։
Այսքանից հետո ԲՀԿ խորհրդարանական ֆրակցիան ԲՀԿ նախագահ Գագիկ Ծառուկյանի գլխավորությամբ ֆրակցիայի արտահերթ նիստ գումարեց, որտեղ առաջարկություններ արվեցին խնդրին լուծում տալու ուղղությամբ և հետագայում արդեն մի ամբողջ փաթեթ ներկայացվեց։
Մասնավորապես ԲՀԿ նախագահ Գագիկ Ծառուկյանի մատնանշած կարևորագույն խնդիրները վերաբերվում էին օրավարձով աշխատող մոտ 200.000 հայրենակիցներին և նրանց ծանր վիճակին, տաքսու վարորդներին, նրանց վարկերին և կոմունալ վճարումներին, որոնք միանշանակ լրջագույն խնդիրներ են ստեղծելու վերը նշված սոցիալական շերտերի համար։
Ի՞նչ տեղի ունեցավ հետո։
Նիկոլ Փաշինյանն Ազգային ժողովի ամբիոնից վախը և էմոցիաները չկարողանալով թաքցնել ասաց, որ ՀՀ-ում օրավարձով աշխատող գեթ մեկ քաղաքացի չկա և որ անպարտաճանաչ վարկեր և կոմունալ վճարողները միևնույն է 3 ամիս հետո էլ չեն կարողանալու վճարել։
Դա էլ բավար չէ , ասաց որ մարդիկ փորձում են լավամարդ դուրս գալ և առաջարկություններ են անում։
Ծիծաղելի է և ամոթ Պարոն վարչապետ և՛ Ձեզ , և՛ Ձեր ոչ պրոֆեսիոնալ և անգործունյա թիմին։
Հ.Գ.
Սա այն ամբողջ պատկերն էր, ինչն այսքան խոսակցությունների առիթ էր տվել։
Այն միայն իմ կարծիքն է և իմ վերլուծությունը։
Եթե կան մարդիկ , ովքեր համաձայն չեն ինձ հետ պատրաստ եմ ցանկացած ժամի և ցանկացած վայրում բանավիճել այս հարցի շուրջ։
Հ.Գ.Գ.
Պարոն վարչապետ երբ ազգը ճգնաժամի առջև է միջոցներ չկան, բայց երբ սրբապիղծ սատանիստները մետրոներում անհասկանալի բեմադրությունների համար 2.000.000 դրամ են ստանում, երբ տրանսգենդեր Մելի ֆիլմ նկարահանելու համար 10.000.000 դրամ է հատկացվում և երբ պարգևավճարներ են հատկացվում գումարներ կան, երբ ազգ է կործանվում ՝ մենք միջոցներ չունենք և միայն Գագիկ Ծառուկյանն է մեղավոր։
Բրավո 3.000.000 վարչապետների արդար և հպարտ վարչապետ։
Դու անկրկնելի ես…