Ֆրանսիայում փակ են խանութները, ռեստորաններն ու զվարճանքի կենտրոնները

Հետևելով Իսպանիայի և Իտալիայի օրինակին՝ Ֆրանսիան փակում է խանութները, ռեստորանները և զվարճանքի վայրերի մեծ մասը: Բացի այդ, Ֆրանսիայի բնակիչները պետք է հնարավորինս երկար տանը մնան, քանի որ երկրում կորոնավիրուսի տարածումը արագանում է: Սահմանափակումների մասին հայտարարել է Ֆրանսիայի վարչապետ Էդուարդ Ֆիլիպը, հայտնում է Reuters-ը:

Շարունակելու են գործել մթերային խանութները, դեղատները և բենզալցակայանները:

Հետևեք մեզ Տելեգրամում՝ t.me/lurer4news

Ֆրանսիայի իշխանությունները երկուշաբթի օրվանից նաև փակել են դպրոցները և 70-ից բարձր մարդկանց խորհուրդ են տվել դուրս չգալ:

Վարչապետն ասել է, որ հասարակական տրանսպորտը կշարունակի գործել:

Կառավարությունը նաև ակնկալում է, որ գործատուները կսկսեն աշխատողներին առաջարկել տնից աշխատելու տարբերակներ:

Հետևեք մեզ Տելեգրամում՝ t.me/lurer4news

Շաբաթ՝ մարտի 14-ի դրությամբ, Ֆրանսիայում 91 մարդ մահացել է կորոնավիրուսով վարակվելու հետևանքով:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով