Բանակի անձնակազմի շրջանում կորոնավիրուսի դեպք չի արձանագրվել. Ջալալ Հարությունյան

Արցախի Հանրապետության Պաշտպանության բանակի զորամասերում համաճարակային իրավիճակը կայուն է և վերահսկելի:

 «Արցախպրես»-ի թղթակցի հաղորդմամբ՝ այս մասին այսօր կայացած կառավարության նիստի ժամանակ ասել է ԱՀ պաշտպանության նախարար-պաշտպանության բանակի հրամանատար, գեներալ-մայոր Ջալալ Հարությունյանը:

Նրա խոսքով՝ հիվանդության ֆոնը համապատասխանում է սեզոնային հիվանդածությանը: Ջրծաղիկներով հիվանդածությունը նվազել է 2 անգամ, սուր շնչառական հիվանդությունները նվազել են 20 %-ով: Ներկայումս թոքաբորբ ախտորոշմամբ պաշտպանության բանակի հոսպիտալներում բուժում են ստանում 13 զինծառայողներ, որոնց վիճակը գնահատվում է բավարար և կապ չունեն կորոնավիրուսի հետ: Նախորդ տարիների համեմատ՝ թոքաբորբով հիվանդությունը նվազել է միջինում 2.5 անգամ:

«Այսօրվա դրությամբ բանակի անձնակազմի շրջանում կորոնավիրուսի դեպք չի արձանագրվել: Կորոնավիրուսի ներթափանցումը, տարածումը և կանխելու համաճարակային միջոցառումների իրականացնելու նպատակով բանակի զորամասերում շարունակում են իրականացվել են վարակի ներթափանցմանը, կանխարգելմանն ուղղված միջոցառումներ: Բանակում կորոնավիրուսի հիվանդության հաստատման դեպքում հիվանդների մեկուսացումը և բուժումը նախատեսված է իրականացնել սահմանված վայրերում: Ներկա պահի դրությամբ արգելված է բոլոր կարգի զինծառայողների արձակուրդ մեկնելը, իսկ արձակուրդներից և գործուղումներից վերադարձած բոլոր կարգի զինծառայողները հսկիչ անցագրային կետերում ենթարկվում են ջերմաչափման և բուժզննման: Շարունակվում է անցագրային կետերում խստացված անցագրային ռեժիմը, և քաղաքացիական անձանց մուտքը զորամասի տարածք արգելվել է: Առաջիկա օրերին բանակի զորամասերին կհատկացվի լրացուցիչ քանակի ախտահանիչ նյութեր և բժշկական դիմակներ»,- մանրամասնել է Ջ. Հարությունյանը:

Արցախում բան է փոխվել և ոչ դեպի լավ

01.04.2020

Նիկոլ Փաշինյան,ի՞նչ խաղեր ես խաղում. իմ տեղեկություններով ՀՀ բերված կորոնավիրուսի թեստերից 90%ը կեղծ դրական է ցույց տալիս.Մարինա Խաչատրյան

30.03.2020

Վավերագրական ֆիլմ Սերժ Սարգսյանի մասին

28.03.2020

«Երկրի հերը անիծողը զարմանում է թե ,ո՞նց կարող է մարդը 40հզ դրամով ապրել».Հովհաննես Խաչատրյան

27.03.2020

«Այս անգամ արդեն թիրախում Հայրապետյանի ընտանիքն է …».Ամրամ Մակինյան

28.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով