«Այն, ինչ այսօր արվում է Արցախի դեմ, մեծ ու բազմաշերտ հանցագործություն է». Հրանտ Մելիք-Շահնազարյան

 

Քաղաքագետ Հրանտ Մելիք-Շահնազարյանն իր ֆեյսբուքյան էջում գրառում է կատարել՝ խոսելով քաղաքացիների մուտքն Արցախ ժամանակավորապես արգելելու կառավարության նախաձեռնության, և կորոնավիրուսի տարածման պայմաններում Արցախում մարտի 31-ին նախատեսված նախագահական ընտրությունը չհետաձգելու պատճառների մասին:

Հետևեք մեզ Տելեգրամում՝ t.me/lurer4news

Գրառումն ամբողջությամբ ներկայացնում ենք ստորև.

«Նախօրեին հայտարարվեց, որ կորոնավիրուսի տարածումն Արցախում կանխելու համար ՀՀ ոստիկանությունը ժամանակավորապես արգելելու է բոլոր քաղաքացիների մուտքը հայկական երկրորդ հանրապետություն։ Մինչ այդ էլ՝ Կառավարության նիստի ընթացքում, վարչապետ Փաշինյանը հայտարարել է, որ Արցախում մարտի 31-ին կայանալիք խորհրդարանական ընտրությունների բոլոր դիտորդները այնտեղ մեկնելուց առաջ պետք է տեստավորվեն։

Այս միջոցներով Փաշինյանի ռեժիմը փորձում է ցույց տալ, իբր ամեն ինչ անում է՝ պաշտպանելու արցախցիներին մահացու համավարակից։ Իրականում, ակնհայտ է, որ նպատակը միանգամայն այլ է՝ օր առաջ լուծել Արցախում նոր իշխանություն ձևավորելու խնդիրը։

Հետևեք մեզ Տելեգրամում՝ t.me/lurer4news

Ուզում եմ շատ պարզ խոսել՝ այն, ինչ արվում է այսօր Արցախի դեմ, մեծ հանցագործություն է։ Ընդ որում, բազում շերտեր ունեցող հանցագործություն։ Կորոնավիրուսն արդեն ներթափանցել է Հայկական բանակ։ Փակել ՀՀ բոլոր քաղաքացիներին իրենց տներում։ Ավիրել տնտեսություն… Այդքանից հետո ինչ-որ մեկը հավատում է, որ վիրուսը Արցախ չի՞ ներթափանցի։ Լու՞րջ։ Ես անգամ վստահ չեմ, որ այնտեղի տեստավորում անցած քաղաքացիների մասին հանրությանը տրված տեղեկությունները համապատասխանում են իրականությանը։ Արցախի Հանրապետության իշխանություններին մինչ օրս ոչ մի տեստ չի փոխանցվել։ Նույնիսկ ռապիդ տեստեր, որոնք կիրառելու բոլոր հնարավորություններն Արցախում կան։ Ոչ ոքի մտքով չի՞ անցել, թե ինչու է այդպես։

Փոխարենը ընտրությունները չհետաձգելու պահանջով էմիսարներ են անընդհատ գործուղվում Արցախ։ Ինչու՞։ Ի՞նչն է պատճառը, որ օր առաջ իրեն հարմար նախագահ ունենալն ավելի կարևոր է Փաշինյանի համար, քան արցախցիների առողջությունը։ Եվ ոչ միայն արցախցիների առողջությունը։ Փաստորեն, կորոնավիրուսն էլ ծխածածկույթ դարձավ Արցախի դեմ մշակված դավադրությունը կյանքի կոչելու համար։ Եվ եթե որևէ մեկին թվում է, թե մարդիկ կույր են, չեն հասկանում, թե ինչ է տեղի ունենում և կամ թե կարողանալու են հետո խուսափել պատասխանատվությունից, ապա չարաչար սխալվում է։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով