Բուկլետ բաժանելով, ձևական բաներ անելով չէ, արդեն ոչ ոք չի հավատում այս իշխանություններին:Արդեն ոչ ոք չի հավատում այս իշխանություններին․ 2 տարում չկարողացան որևէ բան անել, այսօր կրկին ընկել են դռնեդուռ:
Այսօր սահմանադրական փոփոխությունների հանրաքվեի քարոզարշավի ընթացքի ու քարոզարշավի ընթացքում Նիկոլ Փաշինյանի հայտարարությունների վերաբերյալ քննարկման ժամանակ ասաց «Ռեֆորմիստներ» կուսակցության նախագահ Վահան Բաբայանը։
Բաբայանը նշեց, որ քարոզարշավի ընթացքում երևում է, որ մարդիկ այլևս չեն ուրախանում Նիկոլ Փաշինյանին տեսնելիս։ «Այսինքն՝ ֆիքսում ենք ամենակարևորը՝ անցել է երկու տարի, երկու տարում նրանք չկարողացան որևէ բան անել, այսօր նույն ձևով ընկել են դռնեդուռ՝ ծաղիկ կբաժանեն, գրքեր կբաժանեն, կհամոզեն, կխնդրեն, կաղաչեն, որ քվե ստանան, որովհետև եթե այս հանրաքվեն տապալվի, և նա այդքան ձայն չստանա, ապա ճամպրուկները հավաքելու ժամանակը կգա»:
