Ռազմինֆո-ի փոխանցմամբ՝ ըստ Ադրբեջանի պետական սահմանապահ ծառայության (ՊՍԾ)՝ փետրվարի 24-ի առավոտյան, հայկական կողմի «դիվերսիոն ներթափանցման փորձը կանխելիս» սպանվել է զինծառայող Վելիև Իբրահիմ Ալամշահ օղլուն (Vəliyev İbrahim Ələmşah oğlu):
Ըստ ՊՍԾ-ի՝ դեպքը տեղի եղել Տավուշի մարզի Կոթի գյուղի և նույն ուղղությամբ տեղակայված ադրբեջանական Ղուշչու Այրում գյուղերի հատվածում:
Հետևեք մեզ Տելեգրամում՝ t.me/lurer4news
ՀՀ ՊՆ մամուլի խոսնակ Արծրուն Հովհաննիսյանը ՊՍԾ այս հայտարարությունը որակել է որպես ներքին սպառման հեքիաթ: Հիշեցնենք, որ փետրվարի 23-ին նույն ուղղությամբ թեթև վիրավորում էր ստացել նաև ՀՀ ԶՈւ զինծառայող:
Նշենք, որ հունվարի 1-ից մինչ օրս Ռազմինֆոյին բաց աղբյուրներից հայտնի է դարձել Ադրբեջանի զինված ուժերի և հարակից ուժային կառույցների 9 կորուստ։
