«Լևոն Տեր-Պետրոսյանի և Նիկոլի մարտի մեկը, ինքնին մանիպուլյացիաների մի ամբողջ կծիկ էր». Գևորգ Գևորգյան

Հայտնի հետախույզ, Արցախյան պատերազմի ազատամարտիկ, ռազմական-քաղաքական գործիչ  Գևորգ Գևորգյանը ֆեյսբուքյան   իր էջում գրել է.

«Կազմակերպելով մարտի մեկ, Լևոն Տեր-Պետրոսյանը և իր համախոհները, այդ թվում Նիկոլը, հետագա տարիների ընթացքում քարոզչական կեղտոտ տեխնոլոգիաների միջոցով կուտակեցին դիվիդենտների ահռելի պաշար: Եվ այս պաշարի շնորհիվ, հարմար դիրքավորվելով քաղաքական դաշտում, մնացին արենայում և Նիկոլի դեմքով հասան իշխանության: Լևոն Տեր-Պետրոսյանի և Նիկոլի մարտի մեկը, ինքնին մանիպուլյացիաների մի ամբողջ կծիկ էր, որով ուղղորդում էին մարդկանց, հրահրում բախումներ և ժողովրդի մեջ ստեղծում թշնամական տրամադրություններ:

Նույն կեղտոտ ձեռագրով, նույն տեխնոլոգիաների կիրառմամբ արդեն իշխանության հասած մարտի մեկյան ցույցերի ակտիվ դերակատարը, այսօր էլ գեներացնում է ատելություն, անհանդուրժողականություն, բանսարկություն և կեղծ տեղեկատվություն, այս ամենը ծառայեցնելով իր քաղաքական շահերին: Հասկանալ է պետք, որ նման ձեռագրով առաջնորդվող մարդու մոտիվացիան, ամենևին կապ չունի ժողովրդի խնդիրների հետ:

Նիկոլ, Պողոս, թե Պետրոս, այնքան ժամանակ ենք ունենալու այս խնդիրը, քանի դեռ մեր հասարակութունը չի հասկացել, որ իրեն կեղտոտ տեխնոլոգիաների միջոցով պարզապես որպես գործիք են օգտագործում, կերակրելով «թալանով», «կոռուպցիայով», «մարդասպաններով»: Այնքան ժամանակ ենք ունենալու այս խնդիրը, քանի դեռ մեր հասարակությունը չի հասկացել, որ նեգատիվ բևեռներ ստեղծելով երկիր չեն զարգացնում, արդարություն հաստատում, ընդհակառակը՝ կործանում են:

Ի դեպ՝ քաղաքական առումով, որտեղ կլիներ Նիկոլ Փաշինյնը, եթե մարտի մեկին զոհեր չլինեին»:

Արցախում բան է փոխվել և ոչ դեպի լավ

01.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թռիչքաձև աճ. Արարատի մարզը կորոնավարակակիրներով անցել է Վրաստանից ու Ղրղզստանից

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով