«Քաղաքական-ինֆորմացիոն բլեֆ». Իշխանությունը փորձում է ազդել ՍԴ դատավորների որոշումների վրա. «Փաստ»

«Փաստ» թերթը գրում է. «Օրերս անդրադառնալով Սահմանադրական դատարանի շուրջ ստեղծված իրավիճակին՝ Նիկոլ Փաշինյանն ասել էր, թե «շուտով կհանգուցալուծվի»: Իսկ ԱԺ փոխնախագահ Ալեն Սիմոնյանն էլ նախօրեին նույնիսկ ժամկետներ էր նշել՝ ասելով, թե առաջիկա 1-2 ամսում Սահմանադրական դատարանի թեման մեկընդմիշտ փակ կլինի:

Այս թեմային անդրադարձել են նաեւ իշխող ուժի այլ ներկայացուցիչներ: Ոմանք նույնիսկ նշել են, թե ՍԴ մի քանի դատավորներ օգտվելու են վաղաժամ կենսաթոշակի հնարավորությունից: Սրան գումարվում են խոսակցությունները սահմանադրական փոփոխություններով ՍԴ-ն ցրելու մասին:

Հետևեք մեզ Տելեգրամում՝ t.me/lurer4news

«Փաստ» թերթի աղբյուրները պնդում են, որ նման հայտարարություններն ըստ էության մանիպուլյացիայի, կամ, ինչպես որոշ փորձագետներ են արդեն որակում, «քաղաքական-ինֆորմացիոն բլեֆի» տարրեր են պարունակում, որոնք նպատակ ունեն մի կողմից՝ ձեւավորել հանրային կարծիք, մյուս կողմից՝ ազդել ՍԴ դատավորների որոշման վրա:

Սակայն, մեր տեղեկություններով, իշխանությունները ՍԴ-ն ցրելու ճանապարհով չեն գնա, քանի որ անհանգստացած են միջազգային կառույցների ակնկալվող սուր արձագանքից: Ինչ վերաբերում է դատավորներին, ապա նույն աղբյուրները պնդում են, որ նրանք չեն պատրաստվում օգտվել վաղաժամ կենսաթոշակից, որին մասնագետները տվել են «օրենքով կաշառք» անվանումը»:

Ամբողջությամբ կարող եք կարդալ թերթի այսօրվա համարում:

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով