Անցել է արդեն երկու օր, բայց ՀՀ ԱՆ կողմից ոչ մի արձագանք չկա. չեն լուծել խնդիրը, չեն զանգահարել, չեն հետաքրքրվել հիվանդի առողջական վիճակով։
Մենք պետք է գիտակցենք, որ այսպիսի վերաբերմունք ցուցաբերվում է ՀՀ յուրաքանչյուր քաղաքացու նկատմամբ։ Յուրաքանչյուրի առողջությունը իրականում Առողջապահության նախարարությանը չի հետաքրքրում։ Նրանք զբաղված են կլինիկական փորձարկումներով, պարգևավճարներով, ծննդատներ և այլ ռազմավարական նշանակության բժշկական հաստատություններ փակելով, բայց ոչ երբեք ՀՀ քաղաքացու առողջությամբ։
Հիշում ենք նաև, որ Արսեն Թորոսյանը հայտարարեց, որ Կորոնավիրուսի թեսթ է ձեռք բերվել 20 հատը 1500 $ արժողությամբ։ Այնուհետև մամուլից տեղեկացանք, որ Ռուսաստանի Դաշնությունն է թեսթերի հավաքածուն նվիրել Հայաստանի Հանրապետությանը։ ՀՀ քաղաքացու նկատմամբ այս համատարած zaանտարբերության ֆոնին ինձ հետաքրքրում է նաև, թե ում գրպանը գնաց այդ 1500 $-ը։