Հեռուստատեսության ու ռադիոյի հանձնաժողովի նախագահ Տիգրան Հակոբյանը հունվարի 29-ին լրագրողների հետ զրույցում անդրադարձել է երկրում հեռարձակվող օտարերկրյա հեռուստաալիքների խնդրին՝ համոզմունք հայտնելով, որ Հայաստանի հանրային թվային մուլտիպլեքսում, որը ՀՀ քաղաքացիներին անվճար դիտումներ է ապահովում, օտար հեռարձակողներ չպետք է լինեն։
Ըստ Հակոբյանի՝ Հայաստանում հեռարձակվող մի քանի արտասահմանյան հեռուստաալիքներ կան, որոնք կարող են հայ հեռուստադիտողների մոտ բացասական կարծիք ստեղծել մեկ այլ երկրի նկատմամբ։ Մասնավորապես նա նշեց, որ այդպիսի կարծիք կարող է ստեղծվել օրինակ վրացիների և ուկրաինացիների մասին, որովհետև տվյալ պետությունը այդպիսի ալիքներ հեռարձակող պետության հետ թշնամական հարաբերություններ ունի։
Իսկ Վրաստանը, ըստ Հակոբյանի, մեր հա՛մ հարևանն է, հա՛մ դաշնակիցը։ Կան արևմտյան ընկերություններ, որոնց թշնամին կամ հակառակորդը Իրանն է, ու նրանք կարող են այդ հեռուստաընկերությամբ հակաիրանական բովանդակություն եթեր տալ: Վստահ ենք, որ այս վերջին միտքը նա արտահայտել է պարզապես արդարացի լինելու տպավորություն ստեղծելու համար:
Ակնհայտ է, որ խոսքը CNN հեռուստաընկերության մասին է, քանի որ այլ արևմտյան ալիք անվճար հեռուստաընկերությունների ցակնում չկա: Մի՞թե կա որևէ մեկը, ով կհավատա, որ, որ ՀՀ Կառավարությունը համարձակություն կունենա փակել CNN-ը:
Այս ամբողջ պատմությունը ունի միայն մեկ թիրախ՝ ռուսական հեռուստաալիքները: Նշենք նաև, որ այս անհեթեթության վերաբերյալ տարակուսանք է հայտնել Հայաստանի Հանրապետությունում Ռուսաստանի Դաշնության դեսպանությունը: Մի կողմ դնենք այն փաստը, որ Հայաստանի Հանրապետության քաղաքացիների բավականին լայն շերտ կա, որը առավելապես դիտում է ռուսական ալիքներ և ոչ միայն այն պատճառով, որ ռուսական ալիքների եթերի բովանդակության որակը անգամներ ավելի բարձր է, քան հայրենական ալիքների եթերի բովանդակությունը:
Իրականում այս դեմարշի հետևում կա մի պարզ ճշմարտություն: Սա ՀՀ նոր իշխանության մաս կազմող որոշակի շրջանակների կողմից որդեգրված հակառուսական օրակարգի ներքո իրականացվող պայքարի խճանկարի մի մասն է: Միայն կույրը չի տեսնում, որ մեր հայրոնիքում տարբեր ուղղություններով տարվում է հակառուսական քարոզչություն, որը պարբերաբար ունենում է այսպիսի պիկեր: Եվ այս պայքարը, որը որոշ առանձնահատուկ ռուսաֆոբ էլեմենտներ նույնիսկ անվանում են պայքար Կրեմլյան ազդեցության դեմ, ունի բավականին երկար պատմություն: Դեռևս 2014 թվականի ապրիլի 9-ին այն ժամանակ սովորական մահկանացու, իսկ այսօր ՀՀ փոխվարչապետ Տիգրան Ավինյանը ֆեյսբուքյան իր էջում գրառում է կատարել այն մասին, թե ինչպես է ռուսական ալիքներով մեր ականջներին թափվում աներևակայելի աստիճանի սուտը և մեզ իլյուզոր թշնամիներ է ստեղծում ու դարձնում Ռուսաստանի իմպերիայի մի մասնիկ… Պուտինը Հայաստանը չի ճանաչում՝ իր համար՝ մենք իմպերիայի մի մասն ենք․․․իսկ հեռուստատեսությունը սարքել ա անձնական օգտագործման զենք․ ուղիղ ալիքով մտնում ա մարդկանց ուղեղները, թելադրում ա այն ինչ ինքն ա համարում ճիշտ․․ նման պասիվ քաղաքականությամբ մենք թողնում ենք ՀՀ քաղաքացուն վերածել Ռուսաստանի Դաշնության ենթակայի… Պուտինը Հայաստանը չի ճանաչում՝ իր համար՝ մենք իմպերիայի մի մասն ենք․․․իսկ հեռուստատեսությունը սարքել ա անձնական օգտագործման զենք․ ուղիղ ալիքով մտնում ա մարդկանց ուղեղները, թելադրում ա այն ինչ ինքն ա համարում ճիշտ․․ նման պասիվ քաղաքականությամբ մենք թողնում ենք ՀՀ քաղաքացուն վերածել Ռուսաստանի Դաշնության ենթակայի:
Նմանատիպ գրառումներ, որոնք իրենց ռուսատյացությամբ ուղղակի էպիկական են, կարելի է գտնել այսպես կոչված «սորոսական» շրջանակների ներկայացուցիչների էջերում: Այս ֆոնի վրա մի պահ եկեք հիշենք տիկին Լարիսա Մինասյանի վերջերս տված մամուլի ասուլիսի ժամանակ իր կողմից հնչեցված այն միտքը, որ իրենց դեմ մղվում է յուրահատուկ պայքար, որի ընթացքում հակահեղափոխական ուժերը փորձում են ստեղծել վախի մթնոլորտ և ժողովրդին բացասական տրամադրել Բաց հասարակության հիմնադրամին:
Շատ զավեշտալի են տիկին Մինասյանի այս լալահառաչ հայտարարությունները, հատկապես հաշվի առնելով այն հակառուսական պայքարը, որն իրենք միջնորդավորված եղանակով մղում են Հայաստանում արդեն մեկ տասնամյակ, եթե ոչ ավել, փորձելով սերմանել ատելություն և վախ Ռուսաստանի նկատմամբ: Միանշանակ անհեթեթություն է համարել, որ ռուսական ալիքները սպառնալիք են ազգային անվտանգության տեսնակյունից: Վրաստանի և Ուկրաինայի նկատմամբ մեր հասարակության վերաբերմունքը այն չափով կախված չէ ռուսական ալիքներով հեռարձակվող կոնտենտից, որքան փորձում է ներկայացնել նոր իշխանությունը:
Մեր հասարակությունը ունի ինֆորմացիայի այլ աղբյուրներ նաև: Թիրախներ ստեղծելու և դրանք խոցելու այս արատավոր պրակտիկան, որն աշխատել է երկու տարի առաջ և որի օգնությամբ իշխանության է եկել լեգիտիմագույն վարչապետ Նիկոլ Փաշինյանը և իր թիմը, այլևս չի աշխատում: Ռուսաստանը այսքան բացահայտ կերպով որպես թշնամի ներկայացնելու ճղճիմ փորձերը դատապարտված են, բայց հղի են հարաբերությունների լրջագույն վատթարացմամբ:
Իսկ Փաշինյանը այդ նույն ժամանակ լուսանկարվում էր Միշուտինի հետ…
