Նավակ Ճոճողը շուտով պաշտոն կունենա.«Հրապարակ»

«Հրապարակ»-ը գրում է

Կարկառուն ՔՊ-ական Վիլեն Գաբրիելյանը՝ Նավակ Ճոճողը, կնշանակվի «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ-ի տնօրենի թափուր պաշտոնում։ Այս պահին ընթանում է մրցույթը։

Հետևեք մեզ Տելեգրամում՝ t.me/lurer4news

«Հրապարակ»-ին հայտնի դարձավ, որ Գաբրիելյանը հաղթահարել է մրցույթի 2-րդ՝ բանավորի փուլը։ Տեղեկացանք, որ Գաբրիելյանը մեծ դժվարությամբ է կարողացել անցնել բանավոր քննությունը, նրան մի կերպ, ձգելով անցկացրել են։ Մեր աղբյուրները պնդում են, որ ամենայն հավանականությամբ հենց նա էլ կնշանակվի տնօրենի պաշտոնում։

Գաբրիելյանի՝ այս պաշտոնում նշանակվելու մասին զրույցներ էին պտտվում դեռ անցած ամռանը, ըստ մեր ունեցած տեղեկությունների՝ նույնիսկ առողջապահության նախարար Արսեն Թորոսյանն է նրա հետ մի քանի անգամ հանդիպել՝ նախնական հարցազրույց անելու նպատակով, սակայն հրաժարվել են այդ մտքից, քանի որ Գաբրիելյանը բավարար մասնագիտական գիտելիքներ ու հմտություններ չի ունեցել։ Նաև խոսում են, որ ՔՊ հավաքներից մեկի ժամանակ վարչապետը Վիլեն Գաբրիելյանին հարցեր է՝ «Դու դեռ աշխատանք չունե՞ս, պետք է քո գործի հարցը լուծել»։ Դրանից հետո տեղի է ունեցել Թորոսյանի հետ վերընշված հանդիպումը։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով