«Մաշկային լեյշմանիոզը պատմականորեն տարածված է եղել Հայաստանում: Սկսած 1999 թվականից պաշտոնական վիճակագրությամբ գրանցվել է 3 բերովի դեպք, տեղական դեպքեր չեն արձանագրվել:
Մաշկային լեյշմանիոզը մեղմ և բարվոք ընթացքով վարակիչ հիվանդություն է, որը սակայն կարող է առաջացնել այլանդակող սպիներ, քանի որ հիմնականում առաջանում է մարմնի բաց մասերում: Հարուցիչները կարող են լինել Լեյշմանիա ցեղի նախակենդանիների 3 տեսակներ, որոնք մարդու օրգանիզմ են թափանցում վարակված մլակների խայթելու ժամանակ։
Գաղտնի շրջանի տևողությունը 2-8 շաբաթից մինչև 3 տարի, և կլինիկական առանձնահատկությունները տարբեր տեսակների համար տարբեր է:
Տիպիկ մաշկային ախտահարումներն ունեն երեք շրջան. գաղտնի շրջանից հետո խայթած տեղում առաջանում է բորբոքային ինֆիլտրատ (թմբիկային շրջան), որը քայքայվում է, գոյացնելով խոց (հանգուցախոցային շրջան), որն էլ աստիճանաբար լավանում է և առաջանում է սպի»:
