«Հրապարակ»--ի տեղեկություններով, երեկ Արթուր Վանեցյանը հրավիրվել է Քննչական կոմիտե՝ հարցաքննության եւ բավականին երկար ժամանակ այնտեղ է գտնվել։ Նրան հրավիրել են գաղտնալսումների գործով, որը մոտ մեկ տարի սառեցված էր, սակայն փակված չէր։ Վանեցյանին հարցաքննելու եւ առհասարակ՝ վերջին հետապնդումների հրահանգներն իջեցվում են անձամբ Նիկոլ Փաշինյանից։ Իշխանությունը տագնապած է սպասվող քաղաքական զարգացումներից եւ Վանեցյանի վերջին շրջանի գործողություններից։
Իշխող ուժին հատկապես անհանգստացնում է ԱԱԾ նախկին տնօրենի՝ քաղաքականություն մտնելու հեռանկարը եւ քննչական հրավիրելով փորձում են զսպել նրա հավակնություններն ու հասկացնել, որ ակտիվանալու դեպքում՝ իրենք էլ «կակտիվանան»։
Հետևեք մեզ Տելեգրամում՝ t.me/lurer4news
«Հրապարակ»- ը մեկնաբանություն է խնդրել Քննչականից, որը ստանալուն պես կհրապարակի: