«Այս նկարը տարածած եւ՛ լրատվամիջոցները, եւ՛ պաշտոնատար անձինք պետք է հանդես գան հերքմամբ, եւ ներողություն խնդրեն եւ՛ պարոն Մինասյանից, եւ՛ պարոն Թովմասյանից».Գոհար Մելոյան

Գոհար Մելոյանը ֆեյսբուքյան իր էջում գրում է

Երբ հանրությանը մանիպուլացնելու փորձերը բարոյական սահմաններ չունեն!

Ստորեւ ներկայացված նկարը վերցված է նախագահականում նախարաների երդմնակալության արարողության տեսագրությունից։ Իմ կողմից շատ հարգված եւ պարկեշտ քաղաքական գործիչ պարոն Արծվիկ Մինասյանի ձեռքսեղման պահն է վարչապետի հետ։

Բնականաբար, ստոպկադրը հնարավորինս մանիպուլյատիվ է, /ստորեւ՝ մեկնաբանություններում կտեղադրեմ ամբողջական տեսագրությունը/, սակայն առավել ստորություն եւ մասնագիտական արժանապատվության բացակայություն է այսպիսի նկարը հանրությանը հրամցնելը՝ նշելով, որ նկարում պատկերված է ՍԴ նախագահ Հրայր Թովմասյանը։