Իսպանացիները ցնցված են Շավարշ Կարապետյանի պատմությամբ և նրա մասին ֆիլմ են պահանջում

Պարզվում է, որ մինչ Հայաստանի «Թավշյա հեղափոխական» կառավարությունը 20.000.000 դրամ էր տրամադրում, որակազրկված և կոչումազրկված նախկին ծանրամարտիկ-տրանսգենդեր «Մել»-ի մասին ֆիլմ նկարելու համար՝ իսպանացիները կարճամետրաժ տեսանյութ էին պատրաստում տասնյակ կյանքեր փրկած ջրասուզորդ Շավարշ Կարապետյանի մասին: Այն ավելի քան կես տարի է, ինչ պտտվում է նաև ֆեյսբուքի իսպանախոս տիրույթում և ունի հազարավոր կիսումներ, հավանումներ և մեկնաբանություներ:

Իսպանացիները ցնցված են Շավարշ Կարապետյանի արարքով, զարմանում են, որ մինչ այժմ չէին լսել նրա սխրագործության մասին և որ մինչ այսօր չկա նրա մասին պատմող կինոնկար: Ստորև թարգմանաբար ներկայացնում ենք մի քանի ուշագրավ մեկնաբանություն:

1 «Նա մեծ հերոս է, Տիրոջ հրեշտակ, թող Տերը լցնի ձեր կյանքը օրհնություններով, քանի որ դուք կարողացաք ռիսկի դնել ձեր սեփական կյանքը` ձեր ընկերների կյանքը փրկելու համար, դուք արժանի եք լավագույն կյանքի»:

2 «…Մենք ավելի շատ հիանում ենք արվեստագետով, մարզիկով կամ դերասանով, որ մեզ նույնիսկ չի հետաքրքրում, քան այս հերոսով: Ամոթով ընդունում եմ, որ չգիտեյի նրա մասին»:

3 «Հրեշտակ, որը զոհաբերեց իր կյանքը 30 մարդու փրկելու համար, Աստված օրհնի նրան»:

4 «… Նույնիսկ եթե մենք միմյանց չգիտենք, մենք պետք է պաշտպանենք ինքներս մեզ և օգնենք մեզ, բոլոր ժամանակներում` լավ թե վատ: Աստված օրհնի այս հրեշտակին երկրի վրա: Նա ցույց տվեց, որ նա տվեց իր կյանքի լավագույն պտուղը»:

5 «Ինչպիսի՞ գեղեցիկ սիրտ ունի այդ անձը, որը վտանգում է իր կյանքը ուրիշների համար, ոչ բոլորն ունեն համարձակություն դա իրականացնելու համար, միգուցե մեկ կամ երկուսի համար, բայց երեսունի համար, այն իսկապես հիացնում է: Գուցե նա կորցրեց այն, ինչ նա ամենաշատը սիրում էր որպես լողորդ, բայց երևի թե ճակատագիրը այլ պլաններ ուներ նրա համար»:

6 «Սա իսկական հերոս է, մարզվել մոտավորապես 20 տարի ՝ զոհաբերելով ամեն ինչ բարձրակարգ մարզիկ լինելու համար, այնուհետև հրաժարվել բոլոր ջանքերից ՝ անծանոթներին փրկելու համար: Նա գուցե չհաղթի Օլիմպիական խաղերին, բայց նվաճեց լավագույն անձի մեդալը»:

7 «Հիանալի մարդ է, նա արժանի է հարգանքի, ոչ թե ոմանց նման, երբ պարզապես վերցնում են բջջային հեռախոսը և ձայնագրում ողբերգությունները»:

8 «Երկրի վրա այնքան հրեշտակներ կան, որ նրանք տալիս են իրենց կյանքը այլ մարդկային էակների համար: Աստված նրանց նպատակ է ուղարկում, և խնդիրն այն է, որ ավելի շատ չարիքներ կան, քան բարություն»:

9 «Մի մարդ մարզվեց մինչև հաղթելու իր վերջին շունչը և կյանքը մարզեց նրան` փրկելու այդ մարդկանց: Դա կարելի է անվանել միայն մեկ բառով՝ ճակատագիր»:

10 «Նրանք պետք է նկարահանեն այս պատմության մասին կինոնկարներ: Թող բոլորն իմանան: Եվ ավելի քիչ` մշտապես աստղային կինոնկարներ»:

11 «Ոչ ոք ռիսկի չի դիմում ուրիշի համար, դա անում են միայն մաքուր և լավ սիրտ ունեցողները ՝ 1-ը միլիոնից»:

12 «Ամբողջ մարզումը, ամբողջ ջանքերը, ամբողջ ֆիզիկական պատրաստությունը հենց այդ պահի համար էր, պատահական չէր, այդ մարդու կյանքում նպատակ կար»:

13 «Ես պահանջում եմ այս հերոսի մասին կինոնկար, ի՞նչպես է այնտեղ չկա»:

14 «Նա նվաճեց 30 մեդալ և յուրաքանչյուրն ունի անբեկանելի արժեք ու աշխարհում ոչ մի մրցակցություն չունի»:

15 «Հիացնող, հոյակապ մարդ, ով կպարգևատրվի Աստծո և կյանքի կողմից»:

Հայկ Կիսեբլյան