Հիշում եք, պատգամավոր եղած ժամանակ Նիկոլ Փաշինյանը որքան էր զայրանում Կառավարության կողմից վերցված ամեն նոր վարկի պատճառով…
Մոլեգին ցասումով նա բոցաշունչ ելույթներ եր ունենում ԱԺ ամբիոնից, բոլորիս ներկայացնելով դրվագներ ապոկալիպտիկ ապագայից, որտեղ մեր երեխաների ուսերին դրված կլինի այդ վարկերը մարելու ծանր բեռը: Այնքան պատկերավոր էր ներկայացնում, որ ակամա սկսում էիր սարսափել… Ինչ խոսք, ընդդիմադիր պատգամավոր Նիկոլ Փաշինյանը շատ տաղանդավոր դերասան էր: Իսկ այսօր, երբ երբեմնի ընդդիմադիր Նիկոլ Փաշինյանը արդեն իշխանության առաջնորդ է, նա շատ հանգիստ է վերաբերվում այն բանին, որ ՀՀ Պետական պարտքը կավելանա ևս 131 մլն եվրոյով:
Հասկանալի է. այսօր, երբ ինքը Փաշինյանը և իր երեխաները նյութապես ապահովված են և ոչ շատ հեռու ապագայում սպասվող իշխանափոխությունից հետո ամենայն հավանականությամբ կլքեն Հայաստանը, այն ծանր բեռը, որի մասին ընդդիմադիր պատգամավոր Փաշինյանը աշխարհացունց ելույթներ էր ունենում, չի վերաբերվում իր երեխաներին, կարելի է հանգիստ սրտով պետական պարտք կուտակել… Թող «Ժողջանը» մտածի, թե ում երեխաների ուսերին է մնալու բեռը: