Մարությանը խորը դեպրեսիայի մեջ է․ հայտնի են արձակուրդի պատճառները.« Հրապարակ»

«Հրապարակ»-ը  գրում է

Ինչպես արդեն տեղեկացրել էինք, քաղաքապետ Հայկ Մարությանը այսօր երկօրյա արձակուրդի է մեկնել։ Նա 3-շաբաթյա արձակուրդից վերադարձել էր 10 օր առաջ։ Քաղաքապետարանից այդպես էլ չասացին, թե հրատապ արձակուրդի պատճառը որն է։ Սակայն մեզ հայտնի դարձան պատճառները։

Հետևեք մեզ Տելեգրամում՝ t.me/lurer4news

Մեր տեղեկություններով՝ վերջին իրադարձությունների, և ,հատկապես «ԿամԱզների» աղմուկը Հայկ Մարությանը ծանր է տարել։ Նա խորը դեպրեսիայի մեջ է հայտնվել, և այդ հոգեկան վիճակն է պատճառը, որ արձակուրդ է վերցրել և գնացել։

Լավատեղյակ աղբյուրները տեղեկացնում են, որ նա պարբերաբար նման դեպրեսիաներ է ունենում և ճգնաժամային իրավիճակներում հրաժարականի դիմումներ է գրում վարչապետին։ Նախորդ անգամները այդ դեպրեսիաները հաղթահարվել են Նիկոլ Փաշինյանի և Հայկ Մարությանի մերձավոր շրջապատի ջանքերով։ Բայց շրջապատը վստահ չէ, որ այս անգամ կհաղթահարվի դեպրեսիան և կարծում են, որ ինչ-որ պահի Մարությանի նյարդերը տեղի կտան և նա հրաժարականի դիմումը կպնդի։

Իշխանությունը ժամանակին կոպիտ վրիպում է թույլ տվել և «Իմ քայլի» ավագանու ցանկում չկա որևէ պահուստային թեկնածու, որը կկարողանա հրաժարականի պարագայում փոխարինել Հայկ Մարությանին․ դա է պատճառը, որ վարչապետը և ողջ թիմը կյանքի գնով պահում են Հայկ Մարությանին՝ նրան հորդորելով հրաժարական չտալ։

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով