ԱՊՀ միջխորհրդարանական վեհաժողովի ժողովրդավարության զարգացման մոնիթորինգի միջազգային ինստիտուտի երևանյան մասնաճյուղի կողմից 29.11.2019թ կազմակերպվել էր «Ժողովրդավարությունը և հասարակության մեջ կոնֆլիկտների կանխումը» խորագրով միջազգային կոնֆերանս, որի շրջանակներում տեղի ունեցավ նույնանուն վերտառությամբ գիտական հետազոտության շնորհանդեսը:
Բացման խոսքի մեջ մասնաճյուղի տնօրեն, իրավ. գիտ. դոկտոր, պրոֆեսոր Վահրամ Ավետիսյանը նշեց, որ մարդկային քաղաքակրթության մշտական ուղեկիցներն են հասարակական հակասությունները և դրանց հողի վրա աճող կոնֆլիկտները (բախումները):
Արդի աշխարհին ներպետական, համաշխարհային և միջպետական մակարդակներում բնութագրական են տարատեսակ ու բազմազան հակասություններ ու բախումներ, իսկ ներկայիս ժողովրդավարության պայմաններում խիստ արդիական է հասարակական տարրաբնույթ կոնֆլիկտների, այդ թվում՝ քաղաքական-իրավական կամ սահմանադրական, կանխման, լուծման, հաղթահարման ճկուն ու արդյունավետ կառուցակարգերի մշակումը և կիրառումը: Այդ կառուցակարգերում հատկապես էական դերակատարություն ունեն ժողովրդաիշխանության ձևերը և ընդհանրապես ժողովրդավարության ու մարդու իրավունքների ինստիտուտցիոնալ երաշխիքները: Հույս հայտնեց, որ հանրության դատին ներկայացված «Ժողովրդավարությունը և հասարակության մեջ կոնֆլիկտների կանխումը» գիտական հետազոտությունը և նույնանուն խորագրով անցկացվող կոնֆերանսը թույլ կտա վեր հանել վերը նշված որոշ խնդիրներ, ինչպես նաև գտնել դրանց լուծման ուղղիները: Կոնֆերանսին մասնակցում էին ԱՊՀ ՄԽՎ ԺԶՄՄԻ-ի փորձագետներ, ԱԺ պատգամավորներ, քաղաքական կուսակցությունների և հասարական կազմակերպությունների, մասնագիտական գիտակրթական հաստատությունների, լրատվամիջոցների ներկայացուցիչներ, ինչը, հնարավորությունընձեռեց կազմակերպել բանախոսների կողմից բարձրացված խնդիրների արդյունավետ քննարկում և մտքերի փոխանակում:
Տեղեկացնենք, որ ԱՊՀ միջխորհրդարանական վեհաժողովի ժողովրդավարության զարգացման մոնիթորինգի միջազգային ինստիտուտի երևանյան մասնաճյուղի Հայաստանի Հանրապետությունում հիմնադրվել է 2012 թվական մայիսին և իր գործունեության յոթ տարիների ընթացքում կազմակերպության կանոնադրային նպատակներին համահունչ, համագործակցելով պետական տաբեր մարմիններ, կրթական հաստատությունների և այլ կազմակերպությունների հետ իրականացրել է. • գիտագործնական բնույթի հետազոտություններ, կոնֆերանսներ, կլոր-սեղան քննարկումներ, կրթական և ուսումնական խոշորածավալ մի շարք ծրագրեր, որոնք նպատակ են հետապնդել նպաստել ՀՀ-ում քաղացիների ընտրական իրավունքների իրականացմանը և պաշտպանությանը, ժողովրդավարության և պառլամենտարիզմի զարգացմանը: • Բացի այդ մասնաճյուղը ՀՀ-ում անցկացված համապետական ընտրությունների ընթացքում գործուն աջակցություն է ցուցաբերել ԱՊՀ ՄԽՎ դիտորդական առաքելություններին, ինչպես նաև մասնակցություն է ունեցել ԱՊՀ մասնակից պետությունների տարածքում անցկացված պառլամենտական և նախագահական ընտրությունների դիտորդական առաքելություններին
