Նոյեմբերի 14-ին «Ղարաբաղյան պատերազմի վետերանների միություն» հասարակական կազմակերպությունը նշեց իր կազմավորման 15-րդ տարեդարձը:
ՂՊՎՄ անդամներն այցելեցին Եռաբլուր զինվորական պանթեոն և իրենց հարգանքի տուրքը մատուցեցին Արցախյան ազատամարտում հավերժացած նահատակների և ՂՊՎՄ հիմնադիր Յուրի Միքայելյանի շիրիմների առաջ:
Այնուհետև ԵՊՀ «Եղիշե Չարենց» դահլիճում մեկնարկեց ՂՊՎՄ 15 ամյա գործունեությանը նվիրված համերգային ծրագիրը:
Միջոցառման հյուրերի շարքում՝ ՊՆ խորհրդական, ՂՊՎՄ պատվավոր նախագահ Գեներալ-մայոր Վարդան Ավետիսյանն էր, բարձրաստիճան զինվորականներ, ազատամարտիկներ, հերոսածին մայրեր, բանակի հետ աշխատող կառույցների ղեկավարներ: Ազգային երգ ու պարից հետո, տեղի ունեցով պարգևատրման արարողություն: ՂՊՎՄ նախագահ, ազատամարտիկ, պահեստազորի գնդապետ Գրիգոր Գրիգորյանի ձեռամբ, «Հայրենիքի պաշտպանության համար» ՂՊՎՄ մեդալով պարգևատրվեցին Արցախյան ազատամարտի մասնակիցներ և հետպատերազմական շրջանում, զինծառայություն իրականացնելու ընթացքում աչքի ընկած զինծառայողներ:
ՂՊՎՄ գործունեությունը շնորհավորելու և ներկա ազատամարտիկներին պարգևներ հանձնելու համար, ելույթ ունեցան նաև Հայաստանի տարբեր մարզերից և Արցախ աշխարհից ժամանած Հասարակական կառույցների ներկայացուցիչներ: