Երբվանի՞ց և որտեղի՞ց է սկիզբ առնում հայագիտության դեմ արշավը․ «Փաստ»

«Փաստ»-ը գրում է․ «ՀՀ ԿԳ նախկին փոխնախարար, ներկայումս ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանը, որը ժամանակին լուրջ գործունեություն է ծավալել Սորոսի հիմնադրամի դրամաշնորհային ծրագրերով, ներկայումս բավականին ոգևորված ներգրավված է հայագիտական առարկաների դասավանդման դեմ ընթացող գործընթացներում։

«Փաստ» թերթի ձեռքի տակ է հայտնվել Հովհաննիսյանի՝ Սորոսի հիմնադրամի հայաստանյան կառույցի պաշտոնական կայքում հրապարակված հոդվածներից մեկը, որտեղ նա բացահայտ քննադատում է «Հայ եկեղեցու պատմություն» առարկայի դասավանդման փաստը։

Հետևեք մեզ Տելեգրամում՝ t.me/lurer4news

Ներկայացնենք մի հատված այդ հոդվածից. «Հաշվի առնելով ուսումնասիրությունը՝ պարզվում է, որ կրոնի ուսուցման մեթոդները նպատակաուղղված են Առաքելական եկեղեցու կողմից հայոց հավատքի համակարգը ներթափանցելուն, ինչն արգելված է Մարդու իրավունքների եվրոպական կոնվենցիայի 1-ին արձանագրության 2-րդ հոդվածով։

Հայ Առաքելական եկեղեցին շատ ակտիվ ուսուցանվում է դպրոցներում, ինչը իշխանությունների կողմից սատարված տարածված երևույթ է»:

Սա ինքնին բավական խոսուն է և ցույց է տալիս, թե ոչ միայն այս առարկայի, այլև ընդհանրապես հայագիտական ուղղության առարկաների դեմ արշավը երբվանից է սկիզբ առնում ու որտեղից»։

Հետևեք մեզ Տելեգրամում՝ t.me/lurer4news

Նյութն ամբողջությամբ կարդացեք «Փաստ»-ում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով