Լևոն Զուրաբյանը ավելի պատվախնդիր է գտնվել, քան Փաշինյանը

Երեկ հանրությունը ականատես եղավ Նիկոլ Փաշինյան – Լևոն Զուրաբյան հեռակա դուելին: Նիկոլ Փաշինյանը Միլանում արտաբերել է մի շարք արտահայտություններ, որոնք, ինչ խոսք, առանց տարակուսանքի հնարավոր չէ ընկալել: Սակայն դրանց մեջ կար մեկ միտք՝ «Ղեկավարը, որը չունի երկրի վստահությունը, ժողովրդի վստահությունը, անկախ անձերից, չարիք է երկրի համար այնպես, ինչպես, կներեք, չարիք են եղել երկրի բոլոր ղեկավարները՝ սկսած 1996 թվականից, երբ առանց ժողովրդի վստահության տիրացել են իշխանությանը և փորձել են պահել այդ իշխանությունը», որը հունից հանել է Լևոն Զուրաբյանին:

Նշենք, որ Փաշինյանի և Զուրաբյանի այս դեռահասական կոնֆրոնտացիան սկսվել է դեռ այն ժամանակ, երբ Նիկոլ Փաշինյանը ՀԱԿ խմբակցության պատգամավոր էր ԱԺ-ում: Այո, դուք ճիշտ հասկացաք, հարգելի ընթերցող՝ ոչ վաղ անցյալում Նիկոլ Փաշինյանը եղել է ՀԱԿ խմբակցության անդամ: Ավելին, 2012 թվականի հոկտեմբերին Փաշինյանը նույնիսկ ասել է հետևյալը. «2013-ի փետրվարին կայանալիք նախագահական ընտրություններում Լեւոն Տեր-Պետրոսյանը կառաջադրի իր թեկնածությունը, եւ բոլոր նրանք, ովքեր կցանկանան պարտության մատնել գործող նախագահ Սերժ Սարգսյանին, կարող են սատարել Տեր-Պետրոսյանին:» Այս ֆոնի վրա հասկանալի է իր երբեմնի կոլեգայի նկատմամբ Լևոն Զուրաբյանի արդարացի զայրույթը:

Իսկապես, ուղղակի ապշեցնում է այն, թե ինչպիսի հեշտությամբ է Նիկոլ Փաշինյանը հերքում իր կապը այս կամ այն քաղաքական ուժի/գործչի հետ՝ կախված նրանից, թե պահը ինչ է թելադրում: Հավանաբար Փաշինյանը հասկանում է, որ 2008 թվականին և դրանից հետո Լևոն Տեր-Պետրոսյանի հետ սերտ կապեր ունենալը այն չարաբաստիկ փետուրն է, որը մշտապես դրվելու է կշեռքի նժարի վրա և գերակշռելու է մյուս նժարի վրա դրված ցանկացած դրական բան, ոչ հօգուտ Նիկոլ Փաշինյանի: Եվ այդքանը հասկանալով, դիմում է իրեն հայտնի միակ միջոցին՝ վատաբանել այն ամենը, ինչը կարող է խոչընդոտել իր առաքելությանը:

Արդարացի լինելու համար պետք է նշել, որ Լևոն Տեր-Պետրոսյանի դեպքում արդարացի է վերջինի հետ որևէ կապի գոյությունը հերքելու անզուսպ ձգտումը և նրան չարիք անվանելը: Սակայն այստեղ նույնչափ արդարացի է բարոյականության հարցը՝ մի՞թե կարելի է լինել այդքան անբարոյական և այսպիսի հեշտությամբ դավաճանել այն անձին, ում իշխանությանը գալու համար 2008 թվականի մարտին նույն Փաշինյանը պատրաստ է եղել ցանկացած քայլի, այդ թվում՝ բռնության կոչեր անելու և անկառավարելի ամբոխը ոստիկանների դեմ հանելու: Ինչևիցե, Փաշինյանի կողմից նման դավաճանությունը զարմանալի չէ, առաջին դեպքը չէ: Բայց արի ու տես, որ Լևոն Զուրաբյանը, պարզվում է, ավելի պատվախնդիր է գտնվել և հայտարարել է, որ եթե Փաշինյանն այդպես է որակում նախագահին (ի նկատի ունենալով Լևոն Տեր-Պետրոսյանին), ուրեմն ինքն էլ է չարիք:

Հանգիստ խղճով կարելի է համաձայնվել Զուրաբյանի հետ, այո, Նիկոլ Փաշինյանը մեր հայրենիքի համար նույնքան չարիք է, որքան Լևոն Տեր-Պետրոսյանը: Ուրախացնում է այն հանգամանքը, որ ըստ էության այս հարցում Լևոն Տեր-Պետրոսյանի մասով մենք համամիտ ենք թե Փաշինյանի և թե Զուրաբյանի հետ:

Նատալյա Սաղիյան

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով