Երգ անդաստիարակ Արայիկի մասին

Այսօր ՀՀ ԿԳՄՍ նախարարը հանդես է եկել մի հայտարարությամբ, որը աննախադեպ է իր նողկալիությամբ:

Նա ասել է հետևյալը. «Այն անդաստիարակ պահվածքը, որը դրսևորում է ՀՅԴ-ն, պատիվ չի բերում մեր ամենահին կուսակցություններից մեկին:» Սկսենք նրանից, որ տպավորություն է, որ ԿԳՄՍ նախարարը, որը ինչպես գիտենք, ռուսական դպրոց է ավարտել, լավ չի պատկերացնում «անդաստիարակ» բառի իմաստը:

Հիշեցնենք, որ նոյեմբերի 6-ին ՀՅԴ ՀԵՄ-ը պահանջել է նախարար Արայիկ Հարությունյանի հրաժարականը, ինչը վերջին շաբաթների ընթացքում տեղի ունեցած զարգացումների ֆոնի վրա առնվազն օրինաչափ է:

Պարոն ԿԳՄՍ նախարարին  հիշեցնենք, որ նա հանդիսանում է այն քաղաքական ուժի ներկայացուցիչը, որը իրենց առաջնորդ Նիկոլ Փաշինյանի հետ առանց վարանելու կոտրել է ռադիոյի շենքի դուռը, ներխուժել է ԵՊՀ շենք, կատարել է բազմաթիվ այլ գործողություններ, որոնք թերևս ավելի են համապատասխանում «անդաստիարակ պահվածք» որակմանը:

Ավելին, Արայիկ Հարությունյանի թիմակիցները դրսևորել են ոչ թե պարզապես «անդաստիարակ», այլ սանձարձակ պահվածք անցած տարի գարնանը ՀՀԿ տարբեր գործիչների լուսանկարները սև շրջանակներով և ժապավեններով Երևանի փողոցներով ցուցադրաբար պտտացնելով, փողոցներում կենդանի մարդկանց մահացած ներկայացնող պաստառներ տեղադրելով և այլն: Սա դեռ միայն իր թիմակիցների մասին է խոսքը:

Հիմա անդրադառնանք անձամբ պարոն ԿԳՄՍ նախարարին: «Տիկի՛ն, արդեն ձանձրացնում եք, չեք հասցրել, երեխային մի՛ տարեք դպրոց»՝ հենց այսպիսի պատասխան է տվել Արայիկ Հարությունյանը մի կնոջը, ով երեխային առաջին դասարան գրանցելու նոր էլէկտրոնային համակարգի թերի լինելու պատճառով հնարավորություն չի ունեցել ժամանակին գրանցվել իր տանը մոտիկ գտնվող դպրոցում և բազմիցս գրավոր դիմելուց և պատասխան չստանալուց հետո եկել է նախարարության շենքի մոտ իր հարցը անձամբ նախարարին տալու համար:

Նույն բռի ոճով նախարարը վիրավորել է Հայ Առաքելական եկեղեցու քահանային 2019 թվականի հունվարին Արարատի մարզի Այգեստան համայնք կատարած իր այցելության ժամանակ: Կոպիտ ձևով քահանային ասել է, թե դու այստեղ ինչ ես անում, և վկայակոչելով ինչ-որ օրենք՝ վերջինիս հետ ներքաշվել է տհաճ վիճաբանության մեջ:

Նախարարի նման անդաստիարակ պահվածքի օրինակներ, պարզվում է, կարելի է երկար թվարկել: Սակայն նա կարծես թե իր աչքի միջի գերանը չի տեսնում… Այն, որ նոր Հայաստանի իշխանական թևի ներկայացուցիչներն ունեն այդ խնդիրը՝ իրենք իրենց սխալներն ընդունել չեն սիրում, մենք չենք զարմանում:

Զարմանալին այլ բան է: Հրաժարականի պահանջին նա պատասխանել է, թե հրաժարական կտա, երբ իր լիազորությունները բավարար չկատարի… Այսինքն, պարոն նախարարը այն մտքին է, որ ինքն է իր աշխատանքի արդյունավետության գնահատականը տվողը: Մի՞թե կարելի է լինել իրականությունից այդքան կտրված, պարոն նախարար: Մի՞թե Դուք մոռացել եք, որ Ձեզ այս պաշտոնին նշանակել է վարչապետը, ում իր հերթին ընտրել է Ազգային ժողովը, որի պատգամավորներին ընտրել է ժողովուրդը, ինչը բառացիորեն նշանակում է, որ ձեզ աշխատանքի է վերցրել ժողովուրդը, որպեսզի դուք կատարեք որոշակի գործառույթներ և հենց ժողովուրդը պիտի գնահատի ձեր կողմից լիազորությունների կատարման բավարար կամ անբավարար լինելը:

Սա ի գիտություն ձեզ, պարոն սուպերնախարար:

Նատալյա Սաղիյան

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

08.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

Ով չգիտի, ասեմ` Կյանքի Խոսքը, հիսունականները և մնացած աղանդները հենց էս սատանիստական «կրոնի» ճյուղերն են

10.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

«Գրիգորի Խաչատուրովը մեր զինվորների ու սպաների հետ սահմանա պահում իսկ երկրի վայղեկավարը չկա».Վահան Բաբայան

13.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով