Ցանցառապետության կյանքից. Հյուսիսային պողոտան եւ Քիմ Քարդաշյանը.«Հրապարակ»

«Հրապարակ»-ը գրում է.

Նախօրեին Ազգային ժողովում լսումներ էին կազմակերպվել. թեման «թալանչիների» կողմից կառուցված Հյուսիսային պողոտան եւ դրանից տուժածները: Գործին իրազեկները և մասնակիցներից շատերը պնդում են, որ քննարկումը կազմակերպվել էր մեկ նպատակով՝ ուղղորդվող հակաքարոզչություն՝ Ռոբերտ Քոչարյանի նկատմամբ։ Հատուկ ընտրված ելույթներ, հատուկ ընտրված մարդիկ։ Մի խոսքով՝ վատ չէին կազմակերպել։

Հետևեք մեզ Տելեգրամում՝ t.me/lurer4news

Քննարկման հաջորդ օրը, նրանք, ովքեր կազմակերպել էին քննարկումները, Քոչարյանի կողմից կառուցված Հյուսիսային պողոտա են տանում համաշխարհային աստղ Քիմ Քարդաշյանին, որն էլ պողոտայի շենքերից մեկում շքեղ բնակարան է ձեռք բերում:
Լրագրողներն արդեն հրապարակել են այդ շքեղ բնակարանի լուսանկարները, որոնք տարածում են գտել նաեւ արտերկրի մամուլում:

Ցանցառապետությունում հենց այսպես էլ լինում է: Մի օր նրանք Հյուսիսային պողոտայի կառուցումը հրեշավոր ծրագիր են համարում, իսկ մյուս օրը Անգելա Մերկելին հրավիրում այնտեղ զբոսնելու, մի օր պողոտայի կառուցողների դեմ Ազգային ժողովում քննարկում են կազմակերպում, իսկ հաջորդ օրը այնտեղ հրավիրում մեգաաստղ Քիմին, որն էլ շքեղ բնակարան է գնում:

Քիմին ցույց տայիք  այն խարխուլ ու կիսաքանդ տները,որոնց փոխարեն կառուցվեց  Հյուսիսային պողոտան եւ  հարցրեք,թե մեկ տուն այնտեղից կգներ՞ վխտացող առնետներով հիանալու համար

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով