SmartAvia (նախկին «Նորդավիա») ավիաընկերության ինքնաթիռը, որը տեղական ժամանակով ժամը 12:30-ին Ուլան Ուդեից Մոսկվա է մեկնել, արտակարգ վայրէջք է խնդրել Կրասնոյարսկում: Ինտերֆաքսի հաղորդմամբ՝ պատճառը օդանավում ռումբի առկայութան մասին հաղորդագրությունն է եղել:
5-րդ ալիքի հաղորդմամբ՝ անանուն հաղորդագրությունը ստացվել է ինքնաթիռի օդ բարձրանալուց անմիջապես հետո: Ցամաքային ծառայություններն այդ մասին հայտնել են անձնակազմի հրամանատարին, որը վայրէջքի մասին որոշում է կայացրել:
Հետևեք մեզ Տելեգրամում՝ t.me/lurer4news
Ստացված տեղեկությունների համաձայն՝ ռումբի առկայության մասին հաղորդած անձին հաջողվել է ձերբակալել: Նրա դրդապատճառները հայտնի չեն:
