Միշա Գալուստյանը ֆեյսբուքյան իր էջում գրում է.
Այսօր Livenews ին տված հարցազրույցում ռեֆորմիստների կուսակցության առաջնորդ Վահան Բաբայանը հնչեցրեց թեզ, որը արդիական է ներկա հայաստանյան իրավիճակում։ Նա կոչ արեց երկրի ապագայի համար մտահոգ բոլոր անձանց, համախմբվել ռեֆորմիստների կուսակցության շուրջը։
Ինչու է այս թեզը այսքան արդիական։
Ներկա պահին քաղաքական դաշտում առկա են մեծ ու մանր խաղացողներ, հիմնականում ամեն մեկը կենտրոնացած որևէ խնդրի շուրջ։ Որոշակի պահերի այդ խմբավորումների շահերը համընկնում են, և նրանցից ոմանք հանդես են գալիս միասնական թևով։
Ռեֆորմիստների կուսակցությունը իր տեսակետն է հայտնում բացառապես բոլոր առկա խնդիրների հետ կապված։ Ինչպես ցանկացած կուսակցություն, մենք նույնպես ձգտում ենք իշխանության, քաղաքական օրակարգում ունենալով երկիրը ռեֆորմների և բարեփոխումների միջոցով առաջ մղելու գաղափարը։ Ռադիկալ գործողություններ, հեղափոխություն, բռնություն մենք չենք ընդունում։ Օրենքը պարտադիր պետք է լինի բոլորի համար։ Միայն օրենքի գերակայության երկիրը կարող է առաջընթաց ապրել։
Բոլոր այն քաղաքական և հասարակական գործիչները, ուղղակի մտահոգ մարդիկ, ովքեր մեր պետությունն ուզում են վաղը տեսնել ազատ, անկախ, դինամիկ զարգացող և որ ամենակարևորն է, հայ ազգի բնօրրան, կոչ ենք անում միանալ մեզ։ Կարևոր չէ, թե ինչ ճանապարհ եք անցել, ում կողքին եք եղել։ Կարևորը ցանկությունն է ձեր մի մասնիկ օգուտը բերել հայրենիքին։ Պատրաստ ենք քննարկել ձեր առաջարկները ներքաղաքական և արտաքին հարցերի շուրջ։ Ռեֆորմիստները լճացած, կամ մի անձի կուսակցություն չէ, այստեղ հարգվում է այլակարծությունը և առողջ քննարկումը։ Մենք պետք է ձևավորենք ազգային քաղաքական բևեռ։
Միացեք մեզ։ Միասին մենք ուժ ենք, հենապատ, որի վրա հենվելու են պապերից մեզ ժառանգություն հասած ազգային արժեքները։
