Մանվել Գրիգորյանի որդին բերման է ենթարկվել

Երեկ՝ սեպտեմբերի 4-ին, արտակարգ դեպք է տեղի ունեցել Արմավիրի մարզում: Ժամը 13:30-ի սահմաններում ոստիկանության Արմավիրի վարչության և ոստիկանության Վաղարշապատի բաժին օպերատիվ տեղեկութուններ են ստացվել, որ Արմավիր-Երևան ավտոճանապարհի Արշալույս գյուղի վարչական տարածքում կրակոցներ են հնչել:

Ինչպես հայտնում է Shamshyan.com-ը, ըստ ոստիկանների տվյալների, Արշալույս գյուղի սկզբնամասում ճանապարհը չզիջելու հարցի շուրջ վիճաբանություն է տեղի ունեցել Արարատի մարզի բնակիչ, 30-ամյա Կորյուն Խ-ի և Էջմիածին քաղաքի բնակիչ, 26-ամյա Ա. Գ-ի միջև: Վիճաբանության ժամանակ Ա. Գ-ն իր մոտ եղած ատրճանակն ուղղել է Կորյուն Խ-ի ուղղությամբ և կրակոց արձակել: Արմավիրի մարզի ոստիկանները հայտնաբերել են Կորյուն Խ-ին, ով եղել է ГАЗель մակնիշի 36 DQ 767 համարանիշի ավտոմեքենայով և հրավիրել բաժին: Արմավիրի մարզի ոստիկանները ժամեր անց հայտնաբերել են նաև Ա. Գ-ին ու նրա ավտոմեքենան: Ա. Գ-ն բերման է ենթարկվել ոստիկանության Վաղարշապատի բաժին, որտեղ ներկայացրել է իր մոտ եղած «Կիմար» տիպի գազային ատրճանակը ու հայտարարել, որ այն պատկանում է իրեն:

Հետևեք մեզ Տելեգրամում՝ t.me/lurer4news

Մանրամասն` shamshyan.com-ում

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով