«Հարավկովկասյան երկաթուղի» ՓԲԸ-ի դեմ հարուցված քրեական գործի հետքերով…». Գորգիսյանը հրապարակել է ՊԵԿ-ի, ԱԱԾ-ի և ՔԿ-ի պատասխանները

ԱԺ «Լուսավոր Հայաստան» խմբակցության պատգամավոր  Գևորգ Գորգիսյանը ֆեյսբուքյան իր էջում գրում է. ««Հարավկովկասյան երկաթուղի» ՓԲԸ-ի դեմ հարուցված քրեական գործի հետքերով…

ՀՀ ՊԵԿ աշխատակիցները 2018 թ. օգոստոսի 15-ին խուզարկություններ էին անցկացրել «Հարավկովկասյան երկաթուղի ՓԲԸ գրասենյակում: Խուզարկությունների ընթացքում առգրավվել էին փաստաթղթեր, ստուգվել էին աշխատակիցների անձնական իրերը, ՀԿԵ նկատմամբ քրեական գործ էր հարուցվել` 9,7 մլն դրամի չափով հարկեր չվճարելու փաստով:

Նախնական տեղեկություններով` խուզարկությունը կատարվել էր շուրջ 9,7 միլիոն դրամ ԱԱՀ չվճարելու փաստով հարուցված քրեական գործի շրջանակներում:

Վարչապետ Նիկոլ Փաշինյանը հայտարարել էր, որ ընկերությունում հայտնաբերվել է 60 միլիոն դոլարի չարաշահում:

Հետևեք մեզ Տելեգրամում՝ t.me/lurer4news

ՀՀ քննչական կոմիտեի 2018 թ. դեկտեմբերին տարածած հաղորդագրության մեջ ասվում էր, որ ձեռնարկված քննչական գործողությունների արդյունքում ՀԿԵ-ում արձանագրվել է առերևույթ չարաշահումների դեպք և հարուցվել է քրեական գործ:

2019 թ. օգոտոսի 28-ին գրություններ եմ ուղարկել ՀՀ ԱԱԾ տնօրեն Արթուր Վանեցյանին, ՀՀ քննչական կոմիտեի նախագահ Հայկ Գրիգորյանին և ՀՀ ՊԵԿ նախագահ Դավիթ Անանյանին՝ տեղեկանալու, թե ինչ ընթացքում է գտնվում քրեական գործը և կա՞ն արդյոք անձինք, ում մեղադրանք է առաջադրվել:

Վերոհիշյալ մարմիններից ստացված պատասխանները ներկայացնում եմ առանց մեկնաբանության. միայն նշեմ, որ ՀԿԵ-ում ՊԵԿ-ի խուզարկությունից անցել է մեկ տարի, իսկ Քննչական կոմիտեի տարածած հաղորդագրությունից՝ 10 ամիս:

Հետևեք մեզ Տելեգրամում՝ t.me/lurer4news

Եվ այսպես՝

1. ՊԵԿ-ը պատասխանել է. որ քրեական գործն ուղարկվել է ՀՀ գլխավոր դատախազություն:

2. ԱԱԾ-ից պատասխանել են, որ հարուցված քրեական գործը ՀՀ գլխավոր դատախազի ցուցումով ուղարկվել է ՀՀ քննչական կոմիտե:

3. ՀՀ քննչական կոմիտեն պատասխանել է, որ հարուցված քրեական գործով կասկածյալի կամ մեղադրյալի կարգավիճակ ունեցող անձինք այս պահին չկան:

Շարունակելի…»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով