Ռեֆորմիստների կուսակցության փոխնախագահ Կարեն Վարդանյանը գրում է.
«Ներկայիս Հայաստանը սովորական բռնապետություն չէ, այլ յուրօրինակ բռնապետություն, որտեղ կան 37 թվի ավանդույթներին բնորոշ ռեպրեսիաները, բայց այդ ամենը, ինչպես և արդարադատությունը՝ ընտրովի է և տեղի է ունենում մեկ մարդու՝ բռնապետի քմահաճույքով՝ հիմնված վերջինիս համակրանքների ու հակակարանքների և անձնական վրեժխնդրության վրա:
Հակառակ դեպքում վաղուց արդեն ձերբակալված կլիներ օրինակ Լևոն Տեր-Պետրոսյանը, որովհետև ոչ ոք չի կարող ասել, թե առաջին նախագահը ոչ մի անօրինական բան չի արել, քանի որ ի դժբախտություն բռնապետի՝ Հայաստանում դեռ քիչ չեն ամնեզիայով չտառապող մարդիկ, ովքեր շատ լավ հիշում են, թե ինչեր են արել Լևոն Տեր-Պետրոսյանն ու իր հանցավոր վարչակազմը, որի վերածնունդն է հանդիսանում այսօրվա իշխանությունը»:
Հետևեք մեզ Տելեգրամում՝ t.me/lurer4news
