Ես նույնպես հնչեցնում եմ ընկերոջս՝ Վահագն Չախալյանի կոչը, հավելելով՝ հանուն մեր Հայրենիքի և ժողովրդի պաշտպանության զենք վերցրած ու պայքարի դուրս եկած հայը, այժմ պետք է պաշտպան լինի հայ ավանդական ընտանիքի մոդելին: Սա նույնպես մարտի դաշտ է, տղե´րք, որտեղ մենք տանուլ տալու իրավունքը չունենք, սա հայ ընտանիքի պաշտպանության գործն է, սա մեր սերունդների բարոյական նկարագրի պաշտպանության գործն է, սա մեր ազգային արժանապատվության համար մղվող պայքարն է:
Կոչ եմ անում իմ բոլոր զինակից ընկերներին, գաղափարակիցներին, արժանապատիվ հային, միանալ մեր պայքարին, թույլ չտալ, որ ապականեն մեր երկիրն ու ժողովրդին:
Ո´չ, ստամբուլյան կոնվենցիային:
#ոչ_ստամբուլյան_կոնվենցիային
#ստամբուլյան_կոնվենցիա_գոու_հոմ
#հաղթելու_ենք
#կամքով
ԿՈՉ
Հայրենիքի համար զոհվածների ընտանիքների անդամներին և հարազատներին,
Հայրենական մեծ պատերազմի վետերաններին,
Երկրապահ Կամավորականների Միության առաջնորդներին, անդամներին
ԱՍԱԼԱ-ի նախկին անդամներին, ՀՀ ՊՆ և ԼՂՀ ՊԲ հրամանատարներին, սպաներին և զինվորներին.
Հարգելի՛ հայրենակիցներ, քույրեր և եղբայրներ,
մարդկային քաղաքակրթության ակունքներից հայ մարտիկի կերպարը հայտնի է մարդկությանը: Պատմության բոլոր ոլորաններում հայ մարտիկը զարմացրել է իր նվիրումով, քաջությամբ, սկզբունքայնությամբ ու հնարամտությամբ:
Ոչ միայն հայրենիքի, այլ նաև հին ու նոր կայսրությունների բանակներում և բոլոր արդար ու նվիրական դատերի պաշտպանության մեջ հայ ազատամարտիկի տիպարը հանրահայտ է՝ սկսած նախապատմական թե դասական պատմության օրերից մինչև այսօր:
Սակայն այսօր, Ստամբուլյան կոնվենցիայի միջոցով, դարանակալ մեր թշնամիները արշավ են սկսել՝ արմատից վերացնելու հայի հենց այդ տեսակը:
Հայի տեսակը, նրա մշակույթը, հասարակական կառուցվածքը՝ բնափոխելով, փորձ է արվում ի բնե ստրկացնել մեր ժողովրդին:
Մենք երդվել ենք թույլ չտալ նման բան և Հայկական արժեքների պաշտպանության <<Կամք>> Հասարակական նախաձեռնության անունից սույնով դիմում ենք Ձեզ, կոչ անելով Ձեզնից յուրաքանչյուրին, միանալ մեր շարժմանը:
Մեր պարտքն է առաջիկա օրերին և շաբաթներին համախմբել հայությանը գերագույն մեկ սկզբունքի ներքո, այն է՝ անառիկ դարձնել հայկական ավանդական ընտանիքի հիմքը, որովհետև հենց այնտեղ է ծնվում հայ հերոսական մարտիկի կերպարը:
Այս պայքարում չկան նեղ անձնական, կուսակցական, փառքի կամ նյութական շահեր, սա յուրաքանչյուր հայի պայքարն է՝ հանուն հայկական հազարամյա արժեքների և հետևաբար գոյությանը:
Սպասում ենք բոլորիդ՝ լեգենդար առաջնորդներ ՀՀ ՊՆ ու ԼՂՀ ՊԲ շարքային զինվորներ, Բեռլինն ազատագրող վետերաններից մինչև ապրիլյան պատերազմի հերոսներ, վետերանների միությունների առաջնորդներ և առօրյա կյանքով ապրող անանուն նվիրյալներ, տեր կանգնեք Ձեր պահպանած ավանդությանը, հայ մարտիկի նվիրական կերպարին, հենց այսօր, վաղն արդեն ուշ կլինի:
Երևան 5 Օգոստոս 2019թ․
Հայկական Արժեքների Պաշտպանության «Կամք»Հասարակական նախաձեռնություն
