Օպորտունիստներ և արկածախնդիրներ՝ ՙՙԻմ շահը՚՚ շարժում


Վերջին ժամանակներում անընդհատ ականատես ենք լինում Սասնա Ծռեր զինված խմբի (թեև հիմա նրանք արդեն կուսակցություն են դարձել, ինչը շատ զարմանալի է և անհնարին կլիներ ցանկացած օրենքի գերակայություն հաստատած երկրում) աննախադեպ ակտիվացմանը, մասնավորապես Ամուլսարի շուրջ ծավալվող իրադարձություններում:
Սկսենք նրանից, որ վերը նշված զինված խումբը իրականացրել է մեր երկրում ներքին ահաբեկչության ակտ, որի արդյունքում սպանվել են ծառայության վայրում գտնվող 3 ոստիկաններ: Ներքին ահաբեկչությունը հստակորեն սահմանված է տարբեր պետությունների կողմից, այդ թվում ՀՀ նոր իշխանության համար այդքան օրինակելի ԱՄՆ կողմից (Օրինակ՝ https://www.fbi.gov/investigate/terrorism): Այո, այո, գիտեմ ձեր բոլոր փաստարկները այն մասին, որ դեպքերը տեղի են ունեցել ՛նախկինների՛ ժամանակ և այլն և այլն: Անդրադառնամ այդ փաստարկներից միայն մեկին՝ ինչո՞ւ Սերժ Սարգսյանի պաշտոնավարման ժամանակ Սասնա Ծռեր զինված խմբի գործողությունները չորակվեցին որպես ներքին ահաբեկչություն… Շատ լավ հարց է: Եվ շատ բարդ: Նախքան այս հարցին պատասխանելը եկեք վերլուծենք հետևյալ հանգամանքը՝ 2010-2017 թվականների միջև ընկած ժամանակահատվածում Հայաստանի Հանրապետության վարկանիշը, ըստ տարբեր ֆինանսական վերլուծական գործակալությունների կայուն բարձանում էր և դրանով էին պայմանավորված ՀՀ կատարվող՝ այսպես ասած, հայկական ծագման հետ չկապված ներդրումները խոշոր ինվեստիցիոն կազմակերպություններից: Բոլորիս հասկանալի է, որ այն երկիրը, որը ընդունում է, որ ունի ներքին ահաբեկչության դրսևորումներ անմիջապես կորցնում է իր գրավչությունը լուրջ ներդրողների համար, քանի որ այդպիսի երկրում ռիսկերը անկառավարելի են: Իմ կարծիքով, 2016 թվականին ընդունվեց քաղաքական որոշում՝ ծռերի գործողությունը չորակել որպես ահաբեկչություն, քանի որ օրենսդրությունը թույլ էր տալիս կիրառել այլ սահմանում, խուսափելով այնպիսի մեղադրանքներից, որոնք կարող էին վնասել Հայաստանի վարկանիշին: Միայն և միայն այդ պատճառով ունեցանք այն, ինչ ունեցանք:
Սասնա Ծռեր ահաբեկչական խումբը ՛հիմնավորում էր՛ իր գործողությունները այն կեղծ պատճառաբանությամբ, թե երկրում ստեղծվել է այնպիսի իրավիճակ, որ կա միայն մեկ ելք՝ զինված ապստամբություն սահմանադրական կարգի բռնի տապալման համար, որպեսզի դրանից հետո բոլորս լինենք ուրախ և երջանիկ: Սակայն, որքան էլ ես չեմ հանդիսանում Նիկոլ Փաշինյանի կողմնակից և իր և իր կողմից ձևավորված իշխանության գործելաոճը համարում եմ մեր երկրի համար կործանարար, այնուամենայնիվ 2018 թվականին տեղի ունեցած իրադարձությունները փաստում են, որ Սասնա Ծռերի այդ հիմնավորումը ուղղակի ՍԽԱԼ Է, և այդպիսին լինելով այն չի կարող համարվել ոչ հայրենասիրական, ոչ էլ մարդկայնորեն ընդունելի:
Այդ ֆոնի վրա իրենց կողմից ստեղծված կուսակցության կողմից առաջադրված ծրագրերը ես համարում եմ կեղծ օրակարգ:
Առավել ուշագրավ է, որ Նիկոլ Փաշինյանի օրոք ազատության մեջ հայտնված ահաբեկիչները (մնում է հուսալ, որ այդ ազատությունը ժամանակավոր կլինի և ի վերջո դատարանը կընդունի իրենց նկատմամբ համապատասխան որոշում) իրենց կուսակցությամբ այժմ հանդես են գալիս Ամուլսարը փրկելու հարցով ակտիվորեն զբաղվող զանազան գործիչների և ուժերի հետ միասին որպես բնապահպանութան ջատագովներ:
Կարծում եմ, չկարողանալով սողոսկել Ազգային Ժողով՝ նրանք սպասում էին ակտիվանալու հարար առիթի: Եվ ահա, եղավ Ամուլսարը, ժողովրդի մի մասը, որին առաջնորդում են տարբեր քաղաքական գործիչներ, անցավ հանքի շահագործմանը դեմ եղածների կողմը: Այստեղ ահաբեկիչները տեսան հնարավորություն հեծնել արդեն հասունացած, խաբված լինելու հողի վրա առտաջացած ժողովրդական ցասման ալիքը և միավորվել իրենց նման առիթի սպասող զանազան քաղաքական գործիչների, քաղաքական մեկնաբանների և շատ այլ օպորտունիստների հետ: Արկածախնդիրների այս միավորումը կարող է բնական պահանջներ ներկայացնող ժողովրդի այդ զանգվածը տանել ծայրահեղ գործողությունների, քանի որ Սասնա Ծռերը գիտեն միայն այդ ճանապարհը: Նրանք իրականում այն մահապարտներն են, որոնք կորցնելու ոչինչ չունեն և այդպիսին լինելով կարող են օգտագործվել այդ բազմատարր խմբում ներկայացված լավ կրթություն ստացած և դրսում պատրաստված անձանց կողմից: Կեղծ օրակարգեր ներարկելով ժողովրդի մի մասի գիտակցության մեջ նրանք, հավանաբար, ցանկանում են օգտագործել Նիկոլ Փաշինյանի վարկանիշի գահավիժման պահը ռիսկային և անվերահսկելի քաղաքական գործընթացներ հրահրելու համար: Այստեղ ուզում եմ հատուկ շեշտել, որ նրանք իրականում բացարձակապես թքած ունեն թե բնապահպանական և թե առհասարակ ժողովրդի, մեր հայրենիքի շահերի վրա: Ես նրանց միավորում եմ ՙՙԻմ շահը՚՚ շարժում անվան տակ:

Նատալյա Սաղիյան

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Հայաստանին պոկում են Մոսկվայից

06.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով