Վարչապետ Փաշինյանի Ստեփանակերտում արված հայտարարությունը` «Արցախը Հայաստան է և վերջ», ցնծությամբ ընդունվեց նրա աջակիցների կողմից.Գարեգին Պետրոսյան

Վարչապետ Փաշինյանի Ստեփանակերտում արված հայտարարությունը` «Արցախը Հայաստան է և վերջ», ցնծությամբ ընդունվեց նրա աջակիցների կողմից:

Բայց հենց նույն աջակիցներից շատերը, չգիտես ինչու, ամիսներ առաջ Ազատության հրապարակում նույն նշանաբանի ներքո ընդդիմադիր ուժերի հրավիրած հանրահավաքը համարում էին նախկինների կողմից կազմակերված «դավադրություն»: Նրանք մեղադրում էին, թե«Արցախը Հայաստան է և վերջ» նշանաբանով, այսպես կոչված, հակահեղափոխականները ցանկանում են տապալել Արցախը բանակցային սեղան վերադարձնելու վարչապետ Փաշինյանի ցանկությունը:

Այսօր, երբ Փաշինյանն է բարձրաձայնում այդ մասին, բանակցային գործընթացը տապալելու, Արցախի բանակցային սեղանի շուրջը վերադարձի ձախողումից կարծես չեն խոսում: Այն դեպքում, երբ հենց Փաշինյանի «արձագանքն» է անուղղակի վկայում բանակցային գործընթացի տապալման վտանգի մասին:

Ընդանրապես, երբ ոչ իշխանական դաշտից են հնչում նման պահանջներ, թերևս, հասկանալի է. բանակցությանը մասնակից չեն և հետևաբար պատասխանատվություն չեն կրում ընթացքի համար, բայց երբ իշխանական ամնաբարձր մակարդակում է արվում նման հայտարարություն, նշանակում է, որ բանակցային գործընթացը քաղաքական ռեալ ժամանակում հայտնվել է անելանելի փակուղում:

Կա՞, արդյոք, նման պայմաններում պատերազմական գործողությունների վերսկասման հավանականություն: Հաշվի առնելով պատերազմի քաղաքականության տեսական մոդելավորումը` այո: Պետք չէ մոռանալ, որ պատերազմը վերահաս է դառնում այն ժամանակ, երբ այլևս սպառվում են խնդրի կարգավորման քաղաքական-դիվանագիտական հնարավորություննրը: Իսկ թե ինչպիսին է տեսական հնարավորությունը գործնական կիրառության ենթարկելու հավանականությունը, կախված է ոչ միայն հակամարտող ուժերի պահանջից ու ձգտումներիցներից, այլև աշխարհաքաղաքական և տարածաշրջանային գործընթացների տրամաբանությունից , գոյություն ունեցող կամ ձևավորվող քաղաքական կոնֆիգուրացիաների բնույթից:

Քաղաքագետ  Գարեգին Պետրոսյանի ֆեյսբուքյան էջից

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

ԶՈՄԲԻՆԵՐԻ ՁԵՌՔԲԵՐՈՒՄԸ

02.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով