«Ջրագիծն անցնում է համայնքի միջով, բայց ժողովուրդը խմելու ջուր չունի». Արճիսի բնակիչները կրկին ճանապարհ են փակել.168.am

Այրում խոշորացված համայնքի Արճիս բնակավայրի բնակիչներն այսօր կրկին փակել էին Բագրատաշեն-Ալավերդի ճանապարհը, իսկ պահանջը նույնն էր՝ լուծել խմելու ջրի խնդիրը։

Պարզվում է՝ Լոռի բերդից մինչև Բագրատաշեն «Վեոլիա Ջուր» ՓԲԸ-ն ունի խմելու ջրի ջրագիծ, որն անցնում է Արճիս համայնքի միջով, ուստի բնակիչները պահանջում են, որ Արճիս համայնքին ևս այդ ջրից հասնի։

168.am-ի հետ զրույցում Այրում համայնքի ղեկավար Արայիկ Պարանյանը հայտնեց, որ այս պահին ճանապարհը բաց է:

«Այս հարցը Կառավարություն է ներկայացվել, առայժմ որևէ որոշում չկա, քննարկումներ են ընթանում: Պետք է հասկանանք, թե որքան գումար է անհրաժեշտ: Ջրագիծն անցնում է համայնքի միջով, բայց ժողովուրդը խմելու ջուր չունի: «Վեոլիա Ջուրը» պետք է թույլ տա, որ օգտվեն, մինչև մեր ծրագիրն իրականություն դառնա: Ներքին ցանց պետք է կառուցվի գյուղում, ջրաչափար տեղադրվեն: Ջրագիծը կա, ջուրն էլ, պարզապես պետք է պոմպակայան կառուցվի, մղման խողովակաշար, որ այդ ջրագծից նաև գյուղի ջրավազաններին ջուրը հասնի»,- 168.am-ի հետ զրույցում ասաց Այրում համայնքի ղեկավար Արայիկ Պարանյանը:

Նրա փոխանցմամբ՝ նախկինում անտառներից է ջուրը եկել, բայց հիմա երաշտի հետևանքով աղբյուրները ցամաքել են:

Արայիկ Պարանյանն ավելի վաղ մեզ հետ զրույցում հայտնել էր, որ Լոռի-Բերդ-Նոյեմբերյան ջրագիծը Արճիս գյուղի տակով է անցնում, հիմա առաջին հերթին այդտեղ պետք է պոմպ կառուցվի, մոտ 2 կմ պետք է ջուրը բարձրացվի, որպեսզի լցվի ջրամբարը, նոր այնտեղից մատակարարվի ամբողջ գյուղին, մինչև որ ներքին ցանց կառուցենք: Սա ներառված է մարզի հրատապ ծրագրերի մեջ: Նույն խնդիրը նաև Լճկաձորում է: Գյուղացիները աղբյուրների ջրից են օգտվել, սակայն հիմա դրանք չորացել են տեղումների բացակայության պատճառով: Դույլերով իջնում ու ջուր են կրում Այրումի տարածքից:

Հավելենք, որ Բագրատաշեն-Ալավերդի ճանապարհը փակած արճիսցիների հետ հանդիպեց նաև Տավուշի մարզպետ Հայկ Չոբանյանը և հայտնեց, որ «Վեոլիա Ջուր» ընկերության հետ քիչ առաջ պայմանավորվել է, աշխատանքները կսկսվեն, ջուրը կբերեն համայնք:

Նշենք, որ համայնքի բնակիչներն արդեն բացել են ճանապարհը:

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով