Երկու ապաշնորհների բենեֆիսը

Նիկոլ Փաշինյանի և Հայկ Մարությանի երեկվա երկխոսության մասին արդեն շատ բան են գրել, բայց այն այնքան զավեշտալի էր, որ անսպառ առիթներ է տալիս դրան անդրադառնալու համար:

Ցինիկ ծամածռությամբ և գռեհիկ արհեստական ծիծաղով համեմված երկխոսության ձևաչափն ընտրած այս երկու անձնավորությունների կողմից կազմակերպած անորակ շոուն ուներ միայն մեկ նպատակ, այն պիտի փրկեր քաղաքապետի կաշին քաղաքի բնակչության արդարացի զայրույթից և դրանից բխող հրաժարականի պահանջներից: Հատուկ ուզում եմ նշել, որ շոուն լավ էր բեմադրված, բայց չուներ բովանդակություն: Չեմ ուզում հատ առ հատ անդրադառնալ հնչեցված ՙՙփաստերինՙՙ, քանի որ դրանք ՙօդում պտտվող լուրերի՚ արժեք ունեն: Դրա փոխարեն ուզում եմ անդրադառնալ հետևյալին՝ հարցազրույցի ընթացքում Երևանի քաղաքապետը պարբերաբար կադրում թափահարում էր ինչ-որ փաստաթղթեր, որոնք, ըստ իրեն, պարունակում են աղաղակող փոստեր Սանիթեքի վատ աշխատանքի, կեղծ տեղեկություններ տրամադրելու և այլ փաստերի մասին:

Բոլորիս պարզ է, որ եթե այդ թղթի կտորի վրա լիներ գոնե մեկ այդպիսի փաստ, ապա այն վաղուց խոշորացույցով լուսանկարված և հրապարակված կլիներ: Երեկվանից սպասում եմ այդպիսի մի հրապարակման, բայց ավաղ: Այստեղից բխում է մի պարզ ճշմարտություն՝ այդ ամբողջ շոուն նախագծված էր միայն մեկ բանի համար՝ փրկել Երևանում տիրող հակասանիտարական իրավիճակը շտկել անկարող ապաշնորհ քաղաքապետի հեղինակությունը:

Բայց ինչպե՞ս դա անել, եթե բոլոր սլաքները ուղղված են Հայկ Մարությանին: Այս գործում քաղաքապետին օգնության է հասնում գարշանքից կոնֆետ սարքելու և փաստերը խեղաթյուրելու ոլորտի համար մեկ մասնագետը: Ով է նա՞: And the Oscar goes to…. Այոոոո, Նիկոլ Փաշինյանը, որը երիցս ապացուցեց, որ ինքը իր ձախողումների մեղքը ուրիշների վրա գցելու տիեզերական կլասի մասնագետ է: Ավելորդ է նշել, որ ծիծաղելի է, երբ երկրի գլխավոր գերագույն հարմանատարը live-ի ռեժիմով հարցազրույց է վարում մայրաքաղաքի քաղաքապետի հետ աղբահանության թեմայի շուրջ:

Հատկապես այն ֆոնի վրա, որ մեր երկրում զինծառայող է գերի ընկել, սահմանին լարված վիճակ է և առհասարակ մեր հայրենիքը գտնվում է ճգնաժամի մեջ… Դե հասկանալի է, որ ում ուժերը ինչի հերիքում են, դրանով էլ զբաղվում է: Կարծում եմ, որ եթե ՀՀ վարչապետի պաշտոնը զբաղեցնող անձը ունենար այդքան գիտելիք և ողջամտություն, որպեսզի զբաղվեր երկրի համար իրական կարևորություն ունեցող հարցերով, ապա նա ստիպված չէր լինի հոգուտ ժողովրդի աշխատելու իմիտացիա ստեղծել Երևանի քաղաքապետի պաշտոնը զբաղեցնող անձի հետ դատարկ և ամբոխահաճո հարցազրույցներ լայվ արձակելով:

Գիտեք, իմ մոտ այնպիսի տպավորություն է, որ եթե Նիկոլ Փաշինյանի և Հայկ Մարությանի ինտելեկտը ներեր, իրենք կմեղադրեյին այլմոլորակայիններին և առաջ կբերեյին նախկինների կողմից նյութած տիեզերական /բառացիորեն, հաշվի առնելով 2050 թվականին Մարս մոլորակի վրա հայկական գաղութ հիմնելու հեղանկարները/ դավադրության գաղափարը: Առակը ի՞նչ կցուցանե: Գործը խոսքերով փոխարինողը ոչ մայրաքաղաք, ոչ էլ առավել ևս պետություն ղեկավարել չի կարող:

Նատալյա Սաղիյան

Շատ նուրբ տեքստով ԱՀԿ-ն ասում է , որ այն երկրները , որոնք ընդունել են Լանզարոտի կոնվենցիան , առանց ծնողի համաձայնության կարող են երեխային պատվաստել

18.09.2020

«Ողջ աշխարհը ցնցված է։ Լուկաշենկոն ծնկաչոք շնորհակալ է։ Նիկոլը նրան մտցրեց Եվրոպա». Արփինե Հովհաննիսյան

16.09.2020

Վայ, Նիկոլ, Նիկոլ, էս ինչով ես զբաղված, էս ուր հասար, մինչ դու հավի խորովածով ու «Յաշիկի» մանկական հիվանդությամբդ ես տառապում.Մարգարիտ Եսայան

16.09.2020

«ԿԳՄՍ նախարարությունը թույլ չի տվել, որ ես Հանրապետության հրապարակում ռեկորդ սահմանեմ». Գինեսի եռակի ռեկորդակիր.168.am

21.09.2020

Ոստիկանները թույլ չտվեցին հանրահավաքի մասնակիցներին այրել ԼԳԲՏ-ի դրոշը, նրանք պատռեցին այն.Tert.am

19.09.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով