Երբեք չէի մտածի, որ ՀՀ-ում իշխանափոխությունը կհասնի ամենուր բացի Արման Բաբաջանյանի մեդիատիրույթից

Ես երբեք չէի մտածի, որ ՀՀ-ում իշխանափոխությունը կհասնի ամենուր բացի Արման Բաբաջանյանի մեդիատիրույթից։ Իր մոտ դեռ մենք ենք իշխանություն եւ հիմնական «քլունգները» ուղղված են հենց մեր դեմ։

Զարմանալի է, որովհետեւ ԸՆԴԴԻՄԱԴԻՐ Լուսավոր Հայաստան խմբակցության պատգամավոր Արման Բաբաջանյանը պիտի օգտագործի իր ողջ գործիքակազմը ԸՆԴԴԻՄԱԴԻՐ գործունեություն ծավալելու համար, բայց իր մոտ «իրավիճակ չի փոխվել»՝ նա վերցրել է իշխանության տված շեփորը ու նյութերի մեծ մասը չար հհկ-ականների մասին է գրում։
Նույնն է նաեւ պարոն Բաբաջանյանի պատգամավորական գործունեության հիմնական գիծը՝ շատ քիչ քննադատություն գործող իշխանություններին եւ ամենօրյա կեղտակոլոլ հոդվածներ/ելույթներ ՀՀԿ-ի մասին։

Հետևեք մեզ Տելեգրամում՝ t.me/lurer4news

Չեմ կարծում, որ իր երկար հասարակաքաղաքական հետագծի գագաթնակետը պարոն Բաբաջանյանը պատկերացնում էր որպես Նիկոլ Փաշինյանի mini Me, իսկ իր կերտած լրատվականը ուզում էր դարձնել այն վայրը, որտեղ հրապարակվում են անգամ իշխանության ընտանեկան թերթի համար չափից դուրս կեղտոտ համարված նյութերը ։ Նա նաեւ առանձնապես աչքի չի ընկնում կուսակցական /նույնն է նաեւ խմբակցության պարագայում/ կարգապահությամբ։ Գուցե դա պայմանավորված է նրանով, որ պարոն Բաբաջանյանը կանխազգում է, որ ԼՀԿ-ն դժվար հայտնվի հաջորդ պառլամենտում ու որոշել է դառնալ դրա խոսուն ինդիկատորը։

Պարոն Բաբաջանյանի ֆեյբուքյան էջից նաեւ տեղեկանում ենք, որ նա ակտիվ մարզային հանդիպումներ է ծավալում ՝ օգտագործելով գյուղապետերի եւ համայնքապետերի լծակները, որը բնականաբար չէր կարող տեղի ունենալ առանց Փաշինյանի համաձայնության։
Առաջիկայում դեռ շատ եմ անդրադառնալու իշխանության լրատվական շեփորներին եւ դրանց վրա նվագող պիոներներին։
#շեփորնէկանչում

Հայկ Մամիջանյանի ֆեյսբուքյան գրառումը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով