Գործող իշխանության կարկառուն ներկայացուցիչները ժողովրդին պատրաստում են ոչ միայն խաղաղությանը այլ նաև վարակիչ հիվանդության(ների) համաճարակին…
Չգիտեմ ինչից ելնելով, բայց մեր երկրում մեկ էլ հանկարծ առողջապահության նախարարի հրամանով ներդրվում է 1970-ական թվականներից վերացած և աշխարհում հաշված լաբորատորիաներում պահվող Բնական ծաղիկի (օսպա) վիրուսային ինֆեկցիայով հիվանդների վարման գործելակարգ:
Բացի այդ, պատերազմող երկրի առողջապահության նախարարը ի ցույց է դնում հանրությանը (ոչ միայն Հայաստանի) մեր երկրում իմումիզացիայի ծածկույթը և շեշտում, որ վերջին շրջանում ծածկույթը նվազել է 10%-ով, իսկ, երբ որևէ հարցում ենք անում այդ թեմայով, պատասխանում են, որ «դա ազգային անվտանգության հարց է և չենք կարող տրամադրել տվյալներ»: Սա նման է այն երևույթին, երբ ԱԺ պատգամավորն ասում է, որ «մենք 2-րդ, 3-րդ գծում զինվորներ չունենք»:
Ոչ մեկի համար գախտնիք չէ, որ հակառակորդի ուշադրությունից չի վրիպում մեր իշխանության որևէ հայտարարություն, ուստի նման հայտարարությունները, նույնիսկ սեփական PR-ը առաջ մղելու համար, անթույլատրելի են:
Լավ, հասկանում եմ, որ «պլան ա դրած»` պետքա կատարի, որ Գավի հիմնադրամի ղեկավարությունը գլուխը շոյի ու հետո էլ պաշտոն դասավորի, բայց սե՞նց…
Մի խոսքով, պատրաստվեք ժողովուրդ… հեշտ չի լինելու:
