«Ձեզ իրո՞ք թվում է, որ այդ եղանակով ինչ-որ բան կկորզեք Նարեկի հորից կամ հորեղբորից». Արփինե Հովհաննիսյան

 

Արփինե Հովհաննիսյանը  ֆեյսբուքյան իր էջում գրում է.

«Ամեն անգամ, երբ կարդում ես ՀՀ քննչական կոմիտեի, հատուկ քննչական ծառայության եւ հայաստանյան այլ իրավապահ մարմինների հաղորդագրութունները, մտածում ես՝ ինչ հարուստ նյութ կտային նրանք Կաֆկային, Սոլժենիցինին, Դովլաթովին ու շատ այլ մտածողների։

Նարեկ Կարապետյանին անձամբ չեմ ճանաչում, բայց այն գործելաոճը, որ ունեն մեր իրավապահ մարմինները սկսում են աստիճանաբար ձեւավորվորել ճանաչելի գծեր՝
մեղադրանքներ, որոնց հիմքում ընդամենը մեկ ցուցմունք է, այդ պահին քաղաքական վերնախավին հաճոյանալու անհագուրդ մոլուցք՝ նույնիսկ, եթե հետո այս «խիստ հիմնավոր» մեղադրանքի բացասական հետեւանքներից ազատվելը մեծ ջանքեր է պահանջելու, բացարձակ կարճատեսություն եւ պատահականություն։

Որտե՞ղ է ձեր տրամաբանությունը, ինչո՞ւ հենց հիմա այդ կասկածելի համբավ ունեցողը հաղորդում ներկայացրեց Նարեկի դեմ, ինչո՞ւ երբ այնտեղ շանտաժի չենթարկվեցին Կարապետյանները, ձեզ մոտ դա հնարավոր եղավ։ Ձեզ իրո՞ք թվում է, որ այդ եղանակով ինչ որ բան կկորզեք Նարեկի հորից կամ հորեղբորից։ Կամ ասենք կարատավորեք տարիներով ձեռք բերած անուն կամ համբա՞վ։

Իրավական պետությունում սրանք չէ, որ պետք է լինեին իրավապահ մարմինների ճանաչելի գծերը, ու քանի դեռ ներդրումներ փափագող իշխանությունները այս պարզ ճշմարտությունը չեն կարողանում գիտակցել, որեւէ ներդրում այս երկրում չի լինելու։ Եվս մեկ անգամ կարդացեք՝ չի լինելու։

Ի դեպ Նիկոլ Փաշինյանի ու թիմի հանցագործությունների մասին ամեն օր նյութեր են լինում։ Անգամ մեկը չարժե՞ր որ գործ հարուցեիք:

Հ.Գ. Համամիտ եմ գլխավոր դատախազ Արթուր Դավթյանի հետ, որ ամեն մարդ պետք է ամբողջությամբ պատասխան տա իր արածների համար, սակայն պայմանով, որ գլխավոր դատախազը նաեւ ինքը իրեն դիտարկի այդ շրջանակում։ Հետաքրքիր է՝ պարոն Դավթյանն արդեն է ցուցում տվել Նարեկ Կարապետյանի գործով, եթե դեռ ոչ, ապա դատախազական վերահսկողության շրջանակներում քայլեր չունի անելո՞ւ»:

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով