Լեգիտիմության ճգնաժամն անխուսափելի է դարձնելու ցնցումները քաղաքական համակարգի ներսում.Գարեգին Պետրոսյան

Քաղաքական համակարգի կառուցվածքային-ֆունկցիոնալ դիսբալանսը և ցնցումների անխուսափելիությունը

Քաղաքական համակարգի բաղկացուցիչ տարրերն են`
1.Պետությունը
2.Քաղաքական կազմակերպությունները (կուսակցություններ)
3. Հասարակական կազմակերպությունները, շահերի խմբերը

Եթե պարզեցված դիտարկենք քաղաքական համակարգի արդյունավետ գործոռնությունը, կստացվի հետևյալը. տարատեսակ ՀԿ-ներն ու շահերի խմբերը հավաքագրում են հանրությանը հուզող և լուծումներ պահանջող հիմնախնդիրները: Քաղաքական կուսակցությունները առաջնահերթության կարգով և լուծումների տեսքով հիմնախնդիրները ներառում են իրենց նախընտրական պլատֆորմի մեջ, որն էլ հենց հաղթաթուղթ է հանդիսանում կուսակցությունների հիմնական նպատակի` իշխանության ձևավորման գործընթացին մասնակցության շրջանակներում: Եվ քանի որ կուսակցության հիմնական խնդիրն իշխանության ձևավորմանը և իրականացմանը մասնակցելն է, ապա դռնալով իշխանություն և ստանալով պետակառավարչական իրավազորություն, կուսակցությունը որպես արդեն կառավարող ուժ կյանքի է կոչում այդ լուծումները: Եթե քաղաքական համակարգի կառուցվածքային փոխգործակցության այս մեխանիզմը խախտվում է, նվազում է համակարգի արդյունավետ գործառնությունը: Այսինքն` եթե կուսակցությունն իր քաղաքական օրակարգը ձևակերպելուց ՀԿ-ների և շահերի խմբերի կողմից հավաքագրված և բարձրացված հիմնախնդիրնրն անտեսում է, որպես կանոն, օրակարգը դառնում է կեղծ: Եթե կուսկացությունն իշխանության հասնելով` անտեսում է հիմնարար լուծումների կարևորությունը, որի շնորհիվ ձեռք է բերել վստահության քվե, վտանգում է ոչ միայն իր ապագան(վերընտրվելու հնարավորությունը), այլև համակարգի հետագա վերափոխման օրինական ընթացակարգը: Իշխանության ձևավորման ընտրական գործընթացը ձեռք է բերում ֆորմալ բնույթ: Ակտուալ են դառնում իշխանության ձեռք բերման հակասահմանադրական ուղիները:

Քաղաքական համակարգի կառուցվածքային գործառնության տեսանկյունից այսօր էլ Հայաստանում շարունակում ենք ունենալ նույն արտառոց պատկերը, ինչ ունեցել ենք նախկինում: Ավելին` կառավարման խորհրդարանական ձևի պայմաններում, երբ թվում է քաղաքականության մշակման հարցում կուսակցություններին պետք է վերապահված լինի բացառիկ դերակատարում, ունենք միանգամայն հակառակ պատկեր: Կուսակցությունները մի տեսակ հայտնվել են քաղաքական համակարգի լուսանցքում` այդ թվում իշխող քաղաքական կուսակցությունը, իսկ քաղաքականության մշակման բուն գործնթացը իրականացվում է արտակուսակցական միջավայրում` անհասկանալի ինչ-որ փակ խմբերում: Խախտված է համակարգի ներքին ֆունկցիոնալ-կառուցվածքային կապը, ինչի հետևանքով լուծում պահանջող հիմնախնդիրները գործնականում այդպես էլ մնում են անկատար:

Փաշինյանի խարիզմատիկ լեգիտիմության շնորհիվ համակարգը դեռևս կարողանում է խուսանավել լուրջ ցնցումներից: Բայց սա էլ տևական լինել չի կարող: Լեգիտիմության ճգնաժամն անխուսափելի է դարձնելու ցնցումները քաղաքական համակարգի ներսում:

Քաղաքագետ   Գարեգին Պետրոսյանի ֆեյսբուքյան գրառումը

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով