Ի՞նչ կտա թոշակառուներին առասպելական 4200 դրամ թոշակի բարձրացու

 

Այսօր առավոտյան տեսա, որ վարչապետը հայտարարել է, թե 2020 թվականի հունվարի 1-ից 10 տոկոսով կբարձրանան կենսաթոշակները… Անկեղծ ասած, մի տեսակ տարակուսանքի մեջ եմ:
Կատարենք փոքր պատմական էքսկուրս.
2009 թվականից սկսած իրականացվել են կենսաթոշակային համակարգի բարելավումներ, մասնավորապես՝
Բազային կենսաթոշակը 2009 թվականին նախկին 5000 դրամի փոխարեն սահմանվել է 5800 դրամ, հիմնական կենսաթոշակի չափը նախկին 6800-ի փոխարեն սահմանվել է 7950 դրամ, իսկ ապահովագրական ստաժի մեկ տարվա արժեքը նախկին 395 դրամի փոխարեն սահմանվել է 455 դրամ:
Դրանից հետո պարբերաբար իրականացվում էր կենսաթոշակների բարձրացում:
2015 թվականի հունվարի 1-ից նույնպես իրականացվել էր կենսաթոշակների բարձրացում շուրջ 15 տոկոսով, մասնավորապես նախևառաջ բարձրացվեցին ամենացածր կենսաթոշակները:
Պետք է հասկանալ, որ միջինացված կենսաթոշակի հաշվարկը հենվում է 16.000 դրամ բազային՝ նվազագույն կենսաթոշակի վրա:
Այստեղ ուզում եմ նշել, որ փաստորեն 6 տարիների ընթացքում բազային նվազագույն կենսաթոշակը բարձրացվել է 3 անգամ:
2016 թվականին Հայաստանում կենսաթոշակի միջին չափը կազմել է 40.397 ՀՀ դրամ ($85):
Համեմատության համար նշենք, որ 2015 թվականին ցուցանիշը կազմել էր 40.441 ՀՀ դրամ:
01.06.2018թ. դրությամբ Բազային կենսաթոշակը և ծերության նպաստը կազմել է 16.000 դրամ, միջին կենսաթոշակը մոտ 42.000 դրամ:Սա այսպես:

Հիմա հաջորդը:

Լսեցի վարչապետի խոսքերը կենսաթոշակների բարձրացման մասին և կրկին տարակուսանքի մեջ եմ: Մարդը բառացի ասում է հետևյալը՝ ՛ինչ-որ՛ քննարկումից հետո որոշում կայացվեց, որ 2020 թվականի հունվարի 1-ից Հայաստանի Հանրապետությունում 10 տոկոսով կբարձրացվեն կենսաթոշակները…

Հիմա սա ինչպե՞ս հասկանանք: Կբարձրանա բազայի՞ն կոնսաթոշակը, ինչը կնշանակի, որ բոլոր կենսաթոշակառուների թոշակը կբարձրանա 1600 դրամով, թե՞ կբարձրանա յուրաքանչյուր կենսաթոշակառույի փոստացի ստացվող կենսաթոշակը, ինչը կնշանակի, որ միջին կենսաթոշակը կբարձրանա շուրջ 4200 դրամով: Վարչապետը իր ռեպերտուարի մեջ անում է լղոզված հայտարարություններ, որպեսզի հետո չկարողանանք իրենից պահանջել որևէ բան:
Սակայն սա էլ թողնենք մի կողմ: Եկեք դիտարկենք կենսաթոշակի շուրջ 4200 դրամով բարձրանալու սցենարը: Որպեսզի հասկանանք, թե այն 10 տոկոսանոց բարձրացումը իրականում ինչ ազդեցություն կունենա կենսաթոշակառուների կյանքի վրա, դիտարկենք սպառողական գների ինդեքսը /տվյալների հետևից հեռու չգնանք, դիմենք մեր հարազատ Ազգային Վիճակագրության Ծառայությանը/:
2019թ.-ի մայիս ամսվա ՀՀ-ում ՍԳԻ համապարփակ տվյալների փոփոխությունը 2018թ.-ի համապատասխան ամսվա նկատմամբ։

2019թ. մայիսին նախորդ տարվա մայիսի համեմատությամբ սպառողական գների ինդեքսը ընդհանուր ավելացել է 2.8%-ով։ Որպեսզի ավելի պարզ լինի, ներկայացնենք այսպես՝ սննդամթերքի համար ՍԳԻ-ն նախորդ տարվա միևնույն ժամանակահատվածի համեմատությամբ աճել է 5.5%-ով, մասնավորապես հացի գնի աճը կազմել է 5.4%, կարտոֆիլինը՝ 38.6%, թռչնամսինը՝ 13.6%, ծովամթերքինը՝ 28.8%, իսկ ձվինը՝ 26.9%։ Միևնույն ժամանակ, ալկոհոլային խմիչքների և ծխախոտային արտադրատեսակների գներն աճել են 4.5%-ով։ Հագուստի, կոշիկի և տրիկոտաժե այլ պարագաների գները գրանցել են ընդամենը 1.7% աճ։
Կարծում եմ պատկերը պարզ է: Նույնիսկ առասպելական 4200 դրամով կենսաթոշակների ավելացման դեպքում էական փոփոխություն կենսաթոշակառուների կյանքում չի լինելու: Հարկավոր է ոչ միայն բարձրացնել կենսաթոշակները, այլ նաև միջոցներ ձեռնարկել զսպելու համար գնաճը: Հատկապես հաշվի առնելով այն, որ ս.թ. հուլիսի 1-ից հնարավոր է բարձրանա նաև բնական գազի գինը շարքային սպառողների համար:

Իսկ եթե համեմատենք ՀՀ-ում վճարվող կենսաթոշակը այլ երկրներում վճարվող կենսաթոշակների հետ, ապա բոլորս կարող ենք սկսել լաց լինել: Օրինակ՝ Բելարուսում միջին կոնսաթոշակը կազմում է շուրջ 250 ԱՄՆ դոլարին համարժեք բելարուսական ռուբլի, Լիտվայում համապատասխանաբար՝ 305 ԱՄՆ դոլար, Ռուսաստանում՝ շուրջ 200 ԱՄՆ դոլլար: Եվ ես դեռ չեմ նշում զարգացած երկրները, այլ միայն այն երկրները, որոնք գոնե ինչ-որ եզրեր ունեն Հայաստանի հետ համեմատություն անցկացնելու համար:
Հիմա հասկանալի է չէ՞ իմ տարակուսանքի պատճառը:

Ըստ էության սա կենսաթոշակի բարձրացում չէ, այլ ինդեքսացիա, գնաճի հետևանքները մեղմելու համար:
Բայց ավաղ, նոր իշխանությունները բազմիցս են կրկնել այս աճպարարությունը ժողովրդի նկատմամբ:
Դե հիմա տեսնենք, թե ինչպես 2020 հունվարի 1-ին մեր ծերերը, ովքեր մի ամբողջ կյանք աշխատել են՝ հուսալով ունենալ արժանավայել կենսաթոշակ, կրկին կզգան կյանքի դառնությունը:
Իսկ նոր իշխանություններին անվերապահորեն հավատացողները և իրենց գործածած յուրաքանչյուր նմանատիպ աճպարարության համար արդարացումներ գտնողները թող շարունակեն ապրել վարդագույն ակնոցներով:

Ռեֆորմիստների կուսակցության խորհրդի անդամ   Նատալյա Սաղիյան

«Գրիգորի Խաչատուրովը մեր զինվորների ու սպաների հետ սահմանա պահում իսկ երկրի վայղեկավարը չկա».Վահան Բաբայան

13.07.2020

Քիչ առաջ ադրբեջանցի ընդդիմադիր հայտնի լրագրող-բլոգերներից մեկը գրել էր, թե սպանվել են գեներալ-մայոր Փոլադ Հաշիմովը և գնդապետ Իլգար Միրզեևը.«Ռազմինֆո»

14.07.2020

Ով չգիտի, ասեմ` Կյանքի Խոսքը, հիսունականները և մնացած աղանդները հենց էս սատանիստական «կրոնի» ճյուղերն են

10.07.2020

Հիմա նայեք Ալեն Սիմոնյանի անբարոյականության աստիճանը

14.07.2020

Տիկի՜ն դուք ձեզ համար հորինել եք հայրենիք, որ երբեք ձեզ չի պատկանել, դուք ուզում եք յուրացնել ուրիշի հայրենիքը.Արփինե Հովհաննիսյան

14.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով