«Դուքյա՞ն», թե՞ «ամուսնապետություն». ինչի՞ է վերածվում մեր հայրենիքը

«Դուքյա՞ն», թե՞ «ամուսնապետություն». ինչի՞ է վերածվում մեր հայրենիքը

Այսօր հայտնի դարձավ, որ ՀՀ վարչապետ Նիկոլ Փաշինյանը, որոշել է մի շարք ուժայինների ներկայացուցիչների շնորհել բարձր զինվորական կոչումներ։ Առաջին հայացքից կարող է թվալ, թե այստեղ չկա ոչ մի արտառոց բան, բայց անգամ այս դեպքում Փաշինյանը ոտնակոխ է անում ՀՀ սահմանադրությունը: Իհարկե, այստեղ խնդրհարույցը ոչ թե կոչում ստացած մարդիկ են, այլ այն փաստը, որ վարչապետը ըստ սահմանադրության լիազորված չէ կոչում շնորհել։ Սահմանադրության 133-րդ հոդվածի համաձայն զինվորական բարձրագույն կոչումներ կարող է շնորհել միայն նախագահը, իսկ վարչապետը կարող է միայն առաջարկել։

Ցավոք, ՀՀ-ում Սահմանադրության և այլ օրենքների ոտնահարումը սկսել է պարբերական բնույթ կրել։ Նիկոլ Փաշինյանն ամբողջ պետական կառավարման համակարգը վերածել է «դուքյանի»՝ կարծես թքած ունենալով բոլոր օրենքների վրա։ Նման օրինակները շատ են: Գործադիրի ղեկավարը կոչ է անում արգելափակել դատարանների մուտքերը, իշխանական թիմի կողմից մի կերպ ՍԴ խցկված դատավոր Վահե Գրիգորյանն ինքն իրեն հռչակում է ՍԴ նախագահ, վարչապետը հայտարարում է, որ ինքն արդեն որոշել է զինվորական բարձր պաշտոններ շնորհել՝ չունենալով նման լիազորություն, դատական պրոցեսը դեռ չսկսած մեղավորներ են նշանակում՝ մոռանալով անմեղության կանխավարկածի մասին։ Այս տրամաբանությամբ շարժվելու դեպքում վարչապետի տիկին Աննա Հակոբյանն էլ կարող է Հայաստանի Հանրապետությունը հռչակել «ամուսնապետություն», որպեսզի միշտ լինի ամուսնու կողքին:

Այս ամենը դիտարկելիս ակամայից հիշում ենք, որ կար ժամանակ, երբ ընդդիմադիր Նիկոլ Փաշինյանը ՀՀ սահմանադրությունը համարում էր նախկինների հագով կարված «կոստյում»: Հիմա, արդեն վարչապետ Փաշինյանը ոչ միայն անձամբ է օգտվում այդ «կոստյումից», այլև չի խորշում ժամանակ առ ժամանակ «կոստյումի» սահմաններից դուրս գալ։

Ֆեյսբուք`Digital News

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

ԶՈՄԲԻՆԵՐԻ ՁԵՌՔԲԵՐՈՒՄԸ

02.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով