Ֆեյսբուքյան օգտատեր Նարե Գրիգորյանը իր էջում գրում է.
«ԱՆՄԱՐԴԿԱՅԻՆ, ՍԱԴԻՍՏ, ՖԱՇԻՍՏ ԻՇԽԱՆՈՒԹՅՈՒՆ
Այսօրվա դրությամբ ես հպարտ եմ ինձնով: Ես հպարտ եմ և շնորհակալ ճակատագրին, որ չընդունեցին «առաջին տիկին» Հակոբյան Աննայի առաջարկը՝ աշխատել իրենց թերթում:
Ես զգուշացա այն ժամանակ, որ կառավարությունում տեսածս անմարդկային վերաբերմունքին եմ արժանանալու և որոշեցի հեռու մնալ այդ «հեղափոխական» ողջ թափորից: Հիմա՝ ամիսներ անց, ես համովեցի, որ ինքս ինձ ուղղակի փրկել եմ կեղտոտ համակարգից:
Համակարգ, որը սպառնում է 8 տարեկան երեխային, սեռական հայհոյանք գրում նրա մորը, մահացած ամուսնուս հիշատակը պղծում: Ես հոգուս խորքում համոզված եմ, որ ինձ վրա հարձակվող և կեղտոտ, 5 հարկանի հայհոյանք գրող ֆեյքերը գործում են Աննայի ցուցումով, քանի որ նրանց թեման անընդհատ պտտվում է ինձ առաջարկված աշխատանքից հրաժարվելու թեմայի շուրջ:
Հենց այս գիշեր ֆեյքերն ինձ գրել են, որ իմ երեխայի մահն են ցանկանում:
Նիկոլին լավ մարդ, Աստված ու փրկիչ համարողներ, դուք դա նորմա՞լ երևույթ եք համարում:
Մենք չենք մոռացել, որ նիկոլական բանտում մահացավ խմբագիր Մհեր Եղիազարյանը՝ հացադուլից: Եվ կալանավորել էին նրան այն բանից հետո, երբ նա քննադատել էր Փաշինյանին:
Բռնապետություն եք կառուցում՝ ասեք իմանանք: Հային հայի դեմ հանեցիք, հայաստանցուն՝ ղարաբաղցու, ձեռք բարձրացրեցիք ընտանիք կոչվող սրբության վրա:
Մինչև ե՞րբ: Մինչև որ խազն եք պատրաստ գնալ՝ ձեր քաղցր իշխանությունը վայելելու համար:
Աստծուց վախեցեք, Նիկոլ, Աննա և մնացածդ»: