«Քոչարյանն ընդդեմ Փաշինյանի» գործով Փաշինյանը պահանջում է 650 հազար դրամ փոխհատուցում

Загрузка...

Այսօր Երևանի ընդհանուր իրավասության դատարանի դատական նիստում ՀՀ 2-րդ նախագահ Ռոբերտ Քոչարյանի փաստաբան Հայկ Ալումյանն ամբողջությամբ հրաժարվեց վարչապետ Նիկոլ Փաշինյանի նկատմամբ ներկայացված քաղաքացիական հայցից՝ հրապարակային ներողություն խնդրելուն պարտավորեցնելու վերաբերյալ։

Պատասխանող կողմը՝ Նիկոլ Փաշինյանի փաստաբան Գևորգ Գյոզալյանը, Ռոբերտ Քոչարյանի ներկայացուցչին ուղղված փոխհատուցման պահանջ ներկայացրեց՝ 650 հազար դրամի չափով։

«Այս հայցը ներկայացնելն անիմաստ էր։ Իմ վստահորդը, բնականաբար, կատարել էր ծախսեր, ինչպես բոլորդ գիտեք, իմ վստահորդի եկամտի աղբյուրն իր աշխատավարձն է և որպեսզի կանխվեն հետագա անհիմն հայցերը իմ վստահորդի դեմ, ապա այո՛, մենք հետամուտ ենք լինում, որ այդ հարցը լուծվի։ Այն մարդիկ, ովքեր իմ վստահորդի դեմ անհիմն հայցեր կներկայացնեն, դրա դիմաց պետք է վճարեն»,-նիստից հետո լրագրողների հետ ճեպազրույցում հայտարարեց Փաշինյանի ներկայացուցիչ, փաստաբան Գևորգ Գյոզալյանը։

Դատական նիստում Քոչարյանի ներկայացուցիչ Հայկ Ալումյանը հայտարարել էր, որ գումարի այդ չափը ողջամիտ չէ։ Այս կապակցությամբ Գյոզալյանն ասաց, որ համաձայն չէ ու ավելացրեց.

«Իմ վստահորդը ծախսեր է արել՝ վճարելով «Գյոզալյան և ընկերներ» փաստաբանական գրասենյակին՝ իրավաբանական բնույթի ծառայություններ ստանալու համար։ Այդ ծառայությունները մատուցվել են»։

«Ես մյուս կողմի դատական ծախսերի չափը համարեցի ոչ ողջամիտ՝ նկատի ունենալով, որ այս դատավարությունը տեղի չի ունեցել։ Եթե այս դատավարությունը տեղի ունենար ու տևեր բավական երկար ժամկետ, ես էլ իմ հերթին դատական ծախսեր կներկայացնեի ու դա կլիներ ողջամիտ»,-իր հերթին ասաց Հայկ Ալումյանը։

Դատարանն այս մասին որոշումը կհրապարակի հունիսի 24-ին։

ՀՀ երկրորդ նախագահ Ռոբերտ Քոչարյանի ներկայացուցիչ Հայկ Ալումյանը հայց էր ներկայացրել դատարան, որի առարկան էր՝ պարտավորեցնել պատասխանող Նիկոլ Փաշինյանին հրապարակային ներողություն խնդրել հետևյալ արտահայտության համար․«Ասում է անձեռնմխելի է, ի՞նչ է նշանակում անձեռնմխելի է, այսինքն կարելի է մարդկանց սպանությունը կազմակել և ասել անձեռնմխելի եմ: Այդ որտե՞ղ է այդպես գրված»:

Հունիսի 12-ի դատական նիստում Նիկոլ Փաշինյանի ներկայացուցիչ, փաստաբան Գևորգ Գյոզալյանը հայտարարել էր, որ Նիկոլ Փաշինյանի արված հայտարարությունները ուղղված չեն եղել Ռոբերտ Քոչարյանին.

«Նիկոլ Փաշինյանի կողմից արված այդ արտահայտությունը վերաբերել է սահմանադրաիրավական նորմի մեկնաբանությանը և, միանշանակ, չի վերաբերել պարոն Քոչարյանին»: Այդ պատճառով էլ Քոչարյանի փաստաբանը դատարանում հայտարարել էր, որ հրաժարվում են ներկայացված հայցից:

Ովքեր են Ստեփանակերտում բողոքի ակցիա իրականացնողները. «նրանցից մեկը Վադիմ Ռաջաբի Գրիգորյան կամ Վադիմ Ռաջաբ օղլի Վելիևն է»

21.02.2020

Հենց Նիկոլն էր այն սրիկա սադրիչը, որ 2008 թ․ Մարտի 1-ի երեկոյան իր ֆալցետով գոռում էր՝ ժամանակն է Երևանը մաքրել «ղարաբաղցի տականքից».Կոնստանտին Տեր-Նակալյան

24.02.2020

Բողոքի ակցիա Արցախում․ կան բերման ենթարկվածներ

21.02.2020

Ինչպես պաշտպանվել «կորոնավիրուսից»․ Նունե Ներսիսյան

23.02.2020

Այդ դաշտերը մեզ պետք չեն, մենք պատրաստ ենք էդ հողերը վերադարձնել․ Ամենայն հայոց «փրկիչ» Նիկոլ Փաշինյան

24.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...