Տնտեսագիտականի դասախոսների 80%-ը կարող է գործազուրկ դառնալ․ «Հրապարակ»

Загрузка...

«Հրապարակ»-ը գրում է․ «Հայաստանի տնտեսագիտական համալսարանում ռեկտորի պաշտոնակատար Ռուբեն Հայրապետյանի եւ դասախոսական կազմի միջեւ հակամարտությունը նոր թափ է հավաքում։ Ռեկտորի ԺՊ-ի՝ գիտխորհրդում հաստատված կանոնակարգի համաձայն, դասախոսական կազմի մրցույթ է ընթանում, որի պահանջներից մեկն անգլերենի պարտադիր իմացությունն է։ Այս չափորոշիչի պատճառով բուհի դասախոսակազմի 80 տոկոսը կարող է զրկվել աշխատանքից։ Չնայած առարկություններին, թե տնտեսագիտության դասախոսի համար անգլերենի իմացությունը պարտադիր չպետք է լինի, ռեկտորն անդրդվելի է մնացել եւ յուրայինների մոտ հայտարարել, որ այդ ճանապարհով բուհը կազատվի «հետամնացներից»։

Հիշեցնենք, որ ՀՊՏՀ-ի դասախոսները, որոնք բաց նամակ էին հղել վարչապետին՝ բողոքելով ռեկտորի պաշտոնակատար Ռուբեն Հայրապետյանի նոր կանոնակարգի դեմ, որը հակասում է բուհի կանոնադրությանը եւ այլ օրենքների, դիմել են դատարան։ Նամակը ստորագրած 26 անձից 16-ը ստորագրել է հայցադիմումը։ Դիմել են նաեւ ՄԻՊ-ին։ Նրանք  հույս ունեն, որ դատարանը նախ կկասեցնի այդ քննական գործընթացը, ապա չեղյալ կհամարի կանոնակարգը»։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...