ՍԴ-ի դիմաց մոտ 10 հոգի պահանջում է Հրայր Թովմասյանի հրաժարականը.tert.am

Սահմանադրական դատարանի դիմաց բողոքի ակցիա է՝ մոտ 10 հոգի՝ հիմնականում միջին ու միջինից բարձր տարիքի անձինք պահանջում են Սահմանադրական դատարանի նախագահ Հրայր Թովմասյանի հրաժարականը։

Հետևեք մեզ Տելեգրամում՝ t.me/lurer4news

Ակցիայի մասնակիցներից Արմենուհի Հարությունյանը վստահեցրեց, որ ինքը գործարարությամբ է զբաղվել և ամեն անգամ, երբ խնդիր է եղել՝ հարցն իրավական ճանապարհով լուծելու, կայացվել է անարդար որոշում։

«Կառավարման այս օղակը չի աշխատել երբեք, սա մի մաֆիոզ օղակ է, որ նախկին իշխանությունների համար է ստեղծված, Սահմանադրությունն էլ է իրենց համար ստեղծված»,- ասաց  Հարությունյանը։

Հետևեք մեզ Տելեգրամում՝ t.me/lurer4news

Հրայր Թովմասյանի դեմ միակ փաստարկն այն էր, որ նա ՍԴ նախագահ է ընտրվել ՀՀԿ-ի իշխանության օրոք․ «Եթե մենք հեղափոխություն են արել, ապա իրենք էլ պետք է հեռանան։ Այսօր մենք նրա համար ենք, որ Վահե Գրիգորյանը լինի ՍԴ նախագահ, քանի որ նա արժանի է ու պատրաստված»,- շարունակեց նա։

Ակցիայի մասնակիցներից Հայկազ Սարդարյան էլ ՍԴ-ի դիմաց նույն պահանջով էր և չէր հասկանում, թե ինչու է Հրայր Թովմասյանն աշխատանքի գալիս։ Ի դեպ, ցուցարարներին չէր կաշկանդում այն հանգամանքը, որ ակցիան մարդաշատ չէ։

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով