Թող Ռուբինյանը մեզ վրա չծախի իր ֆոտոն․ ռուս վերլուծաբան․ «Հրապարակ»

Ռուսաստանցի վերլուծաբան Մոդեստ Կոլերովը «Հրապարակի» հարցին, թե ինչպես է գնահատում ԵԽԽՎ-ում Ռուսաստանի հարցով հայկական պատվիրակության քվեարկությունը եւ դրանից հետո ծավալված իրադարձությունները, պատասխանել է՝ «ոչ մի կերպ»։

Հիշեցնենք, որ ԵԽԽՎ նստաշրջանում հայաստանյան պատվիրակության ներկայացուցիչները տարբեր կերպ էին քվեարկել․ ընդդիմության ներկայացուցիչները՝ կողմ, իսկ իշխանության ներկայացուցիչներից մեկը դեմ էր քվեարկել, մյուսը չէր քվեարկել Եվրոպայի խորհրդի խորհրդարանական վեհաժողովի նիստերին 2014-ից ի վեր չմասնակցած Ռուսաստանի պատվիրակության վերադարձին։ Հովհաննես Իգիթյանն անհայտ պատճառներով չէր մասնակցել քվեարկությանը, իսկ Ռուբեն Ռուբինյանը դեմ էր քվեարկել եւ միայն հաջորդ օրը Ֆեյսբուքում պարզաբանում տվել, թե տեղի է ունեցել թյուրիմացություն՝ «դեմ»-ը պատահաբար է եղել։ Ապա ներբեռնել էր ռուսաստանյան պատվիրակության ղեկավարի հետ արված լուսանկարն ու գրել, որ ամեն ինչ շատ լավ է, ոչ մի տարաձայնություն եւ հակասություն չկա պատվիրակությունների միջեւ։

«Եթե ինչ-որ մեկը Հայաստանում ուզում է այդ ֆոտոն, որը գցել էր Պյոտր Տոլստոյի հետ լուսանկարված անձը, ծախել մեզ վրա, ասեմ, որ դա չի հաջողվի։ Եվ իզուր է նա մտածել, թե կարող է իր այդ ֆոտոն վաճառել որպես ինչ-որ սիրալիր վերաբերմունքի նշան կամ գործոն»,- օլիմպիական խաղաղությամբ հատ-հատ արտաբերել : Մոդեստ Կոլերովը։ Հարցին, թե ինչու է Կոլերովը կարծում, որ քվեարկության լուսանկարը Ռուբինյանն ուզում է վաճառել, ասէլ է․ «Եթե չուզեին, չէին գովազդի»։

Այս քվեարկության համար, հիշեցնենք, Հայաստանի նոր քաղաքական իշխանություններն արդեն իսկ բավականաչափ քննադատվել են նախկին իշխող մեծամասնության կողմից, ովքեր այդ քվեարկությունը որակել են որպես խայտառակություն։

Կոլերովը նաեւ հայտարարել է, թե ոչ միայն մերոնց քվեարկությանը, այլեւ հենց ԵԽԽՎ վերադառնալու բուն փաստին «ոչ մի կերպի» վերաբերմունք կա Ռուսաստանում։ «Բանն այն է, որ ԵԽԽՎ-ում ռուսական պատվիրակության ջանքերը շատ-շատ մանր, փոքրիկ պատմություն է, որը հետաքրքրում է ընդամենը պատգամավորների մի խմբի, եւ այն որեւէ քաղաքական որակ չունի։

Ավելին՝ մասնագետների շրջանում սա ավելի շատ հեգնական վերաբերմունք է առաջացնում, որ նրանք պատրաստ էին կուլ տալ բոլոր նվաստացումները, բայց գնալ՝ չսպասելով վերջնական արդյունքին»։Կոլերովը որպես հավելում նշել է, որ այդ քայլը ՌԴ-ում ծայրաստիճան ոչ պոպուլյար է։ Նրան հարցրինք՝ եթե ԵԽԽՎ վերադառնալը Ռուսաստանի համար այդքան «մանր» հարց է, ուրեմն ինչո՞ւ էր երեկ Ռուսաստանի Առաջին ալիքը տրիումֆի մեջ, եւ Օլգա Սկոբեեւան Ստրասբուրգից, նրա ամուսին Ռոման Բաբայանն էլ մոսկովյան ստուդիայից հաղթանակած հայտարարում, որ Ռուսաստանը հաղթեց, Ուկրաինան պարտվեց։ Ի պատասխան՝ Կոլերովը հարցրել է․ «Եթե Դուք համարում եք, որ Ռուսաստանը Հյուսիսային Կորեա է, ուրեմն Ձեր փաստարկը տեղին է։ Գիտե՞ք Առաջին ալիքի լսարանը։ Այն 2,5 անգամ պակաս է «Յանդեքսի» լսարանից, մոտ 3 անգամ էլ պակաս՝ «Գուգլից»»։

Հաղորդում հանցագործության մասին.Մարինա Խաչատրյան

24.07.2020

«Լավ վերջապես ինչպե՞ս անենք, որ սա գնա իր լոբին մաքրելու և հանգիստ թողնի մեզ իր խաղաղասրական կոչերով».Անի Կաղինյան

25.07.2020

«ՀՀ հպաաաարտ քաղաքացին համբուրում էր մի ուրիշ ոչ պակաս հպաաաարտ քաղաքացու հետույքը».Նարեկ Մալյան

25.07.2020

Եթե Լևոն Տեր-Պետրոսյանի որդին մի քիչ ավելի գրագետ լիներ՝ Նիկոլ Փաշինյանը համալսարան չէր ընդունվի

24.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով