Արթուր Վանեցյանի մերձավորն էլ է հարվածե՞լ ՍԱՍ-ի Արտակին. Արտակ Սարգսյանը արյունլվա դեմքով հայտնվել է հատակին. Factor.am

Հունիսի 6-ի երեկոյան, ժամը 21․00-ի սահմաններում Երեւանում գտնվող «Terazza» ռեստորանում տեղի ունեցած աղմկոտ միջադեպից Factor.am-ին ուշագրավ մանրամասներ են հայտնի դարձել:

Լրատվամիջոցները երեկ գրել էին, որ նշյալ ռեստորանում ռուս գործարարների եւ ԱԺ նախկին պատգամավոր, ՍԱՍ գրուպի սեփականատեր Արտակ Սարգսյանի միջեւ ծեծկռտուք է եղել: Factor.am-ին հայտնի է դարձել, որ այս ծեծկռտուքում ներգրավված է եղել նաեւ Ազգային անվտանգության ծառայության տնօրեն Արթուր Վանեցյանի մտերիմներից Արթուր Վարսանյանը:

Մասնավորապես, Վարսանյանը, ով «Terazza» ռեստորանի մշտական հաճախորդներից է, երեկ երեկոյան եւս եղել է այդ ռեստորանում՝ ռուսաստանաբնակ հայ գործարարների հետ։ Նույն ռեստորան է մտել նաեւ ՀՀԿ-ական նախկին պատգամավոր, գործարար ՍԱՍ-ի Արտակը՝ Արտակ Սարգսյանը, ով անցել է Վարսանյանի եւ նրա ընկերների կողքով՝ չբարեւելով վերջիններիս: Վեճը ծագել է հենց այս պատճառով։ Գործարարներից մեկն Արտակ Սարգսյանին է դիմել, թե ինչու՞ չի բարեւում: Սարգսյանն ասել է, թե չի նկատել, ինչին ի պատասխան՝ գործարարը հեգնել է թե՝ ակնոց կրի, Արտակ Սարգսյանն էլ հակադարձել է թե՝ ինքդ կրի։ Այս պատասխանից հետո գործարարը վեր է ցատկել եւ Արտակ Սարգսյանի դեմքին ուժգին հարված հասցրել, ինչից հետո Արտակ Սարգսյանը մոտակայքում առկա բաժակով պատասխան հարված է հասցրել։ Դրանից հետո արդեն իրադարձությունները զարգացել են շատ արագ․ սեղան են շուռ տվել, սպասք կոտրել՝ հաճախորդների ներկայությամբ, որոնց թվում նաեւ կանայք են եղել:

Բանը հասել է նրան, որ Արտակ Սարգսյանը արյունլվա դեմքով հայտնվել է հատակին: Factor.am-ի աղբյուրը փոխանցեց, որ նախկին պատգամավորին հատակին գտնվելու ընթացքում բազմաթիվ հարվածներ է հասցրել նաեւ Արթուր Վարսանյանը: Մենք կապ հաստատեցինք Արթուր Վարսանյանի հետ, ով կտրականապես հերքեց իր մասնակցությունը ծեծկռտուքին։

Ավելին՝ սկզբնաղբյուր կայքում

«Գրիգորի Խաչատուրովը մեր զինվորների ու սպաների հետ սահմանա պահում իսկ երկրի վայղեկավարը չկա».Վահան Բաբայան

13.07.2020

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

08.07.2020

Ով չգիտի, ասեմ` Կյանքի Խոսքը, հիսունականները և մնացած աղանդները հենց էս սատանիստական «կրոնի» ճյուղերն են

10.07.2020

«Սերժ Սարգսյանի երեկվա ելույթից հետո մարդ է վատացել».Վահան Բաբայան

11.07.2020

«Կառավարական ամառանոց, գիշերը 4 անց 47 րոպե Պարոն Փաշինյանը մղձավանջ է տեսնում՝ ՀՀԿ-ն չկա».Հայկ Մամիջանյան

12.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով