Համահարթեցում չի լինելու
ՀՅԴ Երիտասարդական միության «Ահազանգ» նախաձեռնության անդամներն ու համակիրները բողոքի ակցիա իրականացրեցին Ազգային ժողովի բակում: Նրանք պահանջում էին չեղարկել եկամտային հարկի համահարթեցման ծրագիրը և դեմ քվեարկել Հարկային օրենսգրքի փոփոխությունների նախագծին:
Նրանք այսօր նամակ հանձնեցին Ազգային ժողովին, խոսեցին «Իմ քայլը» խմբակցության ղեկավար Լիլիթ Մակունցի հետ, որից հետո «համահարթեցում չի» լինելու, «շատից շատ, քչից քիչ» և «Ոչ համահավասար հարկմանը» կոչերով շարժվեցին Ազգային ժողովի դարպասների մոտ, որտեղ ի նշան բողոքի, գետնին շարեցին իրենց հետ բերած հնամաշ շորերն ու կոշիկները:
«Նախագծին կողմ արտահայտվող յուրաքանչյուր պատգամավոր պետք է հստակ գիտակցի, որ ինքն անձամբ պատասխանատու է լինելու բնակչության մեծամասնության կյանքի որակի վատթարացման համար»,- նշում էին բողոքի ակցիայի մասնակիցները: