«ՔՈ» կուսակցության հիմնադիրը սրճարան է կառուցում, նրան արտոնություն է տրվել.«Հրապարակ»

«Քաղաքացու որոշում» կուսակցությունը օրերս դիմել էր գլխավոր դատախազ Արթուր Դավթյանին եւ ԱԺ նախագահ Արարատ Միրզոյանին՝ հայտարարելով, թե պետք է դադարեցվի ԱԺ «ԲՀԿ» խմբակցության ղեկավար Գագիկ Ծառուկյանի պատգամավորի լիազորությունները։

Մանրամասնելով՝ նշել էին, որ խոսքը վերաբերում է ապօրինի ձեռնարակատիրական գործունեությամբ զբաղվելու կասկածին, ինչի հաստատման դեպքում նշված պատգամավորի լիազորությունները պետք է դադարեցվեն։ Հայաստանի Հանրապետությունում բիզնեսը պետական կառավարման համակարգից պետք է տարանջատված լինի։ Մինչդեռ աղմուկ բարձրացրած այս հայտարարության ֆոնին մենք նամակ ենք ստացել քաղաքացիներից, որտեղ նշում են, որ ՔՈ-ի հիմնադիր Արթուր Ավագյանը Մարգարյան-Հալաբյան խաչմերուկում սրճարան է կառուցում եւ դրա համար նրան տրվել են արտոնություններ։

«Արմենիա բժշկական կենտրոնի հարևանությամբ գտնվող այգու տարածքում, ավելի կոնկրետ Մարգարյան-Հալաբյան խաչմերուկում, տարիներ շարունակ գործում էր մի բացօթյա սրճարան, որն, ըստ խոսակցությունների, պատկանում էր Աջափնյակ վարչական շրջանի նախկին ղեկավար Արծրուն Խաչատրյանի որդուն:

Հետհեղափոխական շրջանում այդ սրճարանը ապամոնտաժվեց, և որևէ մեկին թույլ չտվեցին այդ հատվածում սրճարան կառուցել: Կից ներկայացված լուսանկարները, սակայն, փաստում են, որ այնուամենայնիվ, վերջին օրերին հայտնվել է ինչ-որ մեկը, ում տրվել է այդ հատվածում սրճարան կառուցելու արտոնություն, և շինարարական աշխատանքներն այս պահին էլ լայն թափով ընթացքի մեջ են: Հավաստի աղբյուրները փոխանցեցին, որ այդ արտոնյալ անձը «Քաղաքացու որոշում» կուսակցության հիմնադիր անդամ Արթուր Ավագյանն է։ Հենց այս նոտայի վրա էլ ի հայտ է գալիս նույն կուսակցության անդամների կողմից՝ վերջին օրերին ԲՀԿ նախագահ Գագիկ Ծառուկյանի նկատմամբ իրականացված գործողությունների պատճառահետևանքային շղթան: Ստացվում է, որ մեկ անձի շահեր սպասարկելու մեջ ավելի հմուտ են հենց «ՔՈ» անդամները, ովքեր, իրենց կուսակցության հիմնադիր անդամ Արթուր Ավագյանի շահերից ելնելով թեկուզև անհեթեթ, բայց և այնպես ինչ-որ գործընթաց են փորձում սկսել: Փաստեը համադրելով կարելի այս ամենից հետևություն անել, որ այդ սրճարանը կառուցելու թույլատվությունն հենց այն գինն էր, ինչի համար վերջին օրերին փոթորիկ մեկ բաժակ ջրում սկզբունքով ակտիվացել են «ՔՈ» անդամները»,-նշված է նամակում։

«Հրապարակ»-ի հետ զրույցում Ավագյանը հաստատեց նամակի բովանդակության մի մասը միայն։ «Կառուցում է ընկերությունը, որի հիմնադիրն եմ ես։ Իրականությանը չի համապատասխանում, որ նախկինում ապամոնտաժվել է։ Հողը, որի վրա գտնվում է սրճարանը  սեփականության իրավունքով պատկանում է մի անձի, որից ես վարձակալել եմ եւ ներդրում եմ արել։ Ուղղակի անբարեկարգ վիճակ է եղել, ես բարեկարգել եմ։ Սեզոնային է, սեզոնից առաջ արդիականացման աշխատանքներ ենք արել»։

Նա նաեւ նշեց՝ տարածքը վարձակալել է Արծրուն Խաչատրրյանի որդուց։

150.000.000.000 դրամի կորուստ կառավարության անպատասխանատու արարքների պատճառով

24.03.2020

Ի՞նչպես չգնահատես Ռուսաստանի այս մարդասիրական քայլը.Վահան Բաբայան

23.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

Վավերագրական ֆիլմ Սերժ Սարգսյանի մասին

28.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով