Տեղդ ասա, կգամ վիզդ կպոկեմ. Արման Բաբաջանյանը սպառնացել է Քոչարյանին պաշտպանող քաղաքացուն.live24.am

Այսօր քաղաքացի Արշակ Սարգսյանի և ԼՀԿ պատգամավոր Արման Բաբաջանյանի միջև վիրտուալ վիճաբանություն է տեղի ունեցել, որտեղ նկատվում են միմյանց ուղղված վիրավորանքներ: Մասնավորապես ,պատգամավոր Արման Բաբաջանյանի կողմից քաղաքացուն ուղղված սպառնալիք է հնչում՝ «Տեղդ ասա, կգամ վիզդ կպոկեմ»: Ըստ քաղաքացու՝ պատճառը եղել է իր կողմից ՀՀ 2-րդ նախագահ Ռոբերտ Քոչարյանին պաշտպանելը:

ԼՈւՐԵՐ.com-ը վիճաբանության պատճառը հասկանալու համար կապ հաստատեց երկու կողմերի հետ:

Արման Բաբաջանյանը չցանկացավ մեկնաբանություն տալ՝ ասելով. «Երկրում ավելի կարևոր հարցեր չկա՞ն: Այս հարցը չեմ ուզում մեկնաբանել: էս ի՞նչ հարց է, մի հատ էլ մեկնաբանություն եք ուզում։ Լուրջ հարցերով զբաղվեք»:

Մեր հարցին, թե վիրավորանքներ և սպառնալիքներ են հնչում, դա լուրջ հարց չէ՞, Բաբաջանյանը պատասխանեց. «Չէ, լուրջ բան չկա։ Ինձ համար այդտեղ սպառնալիք չկա»:

Քաղաքացի Արշակ Սարգսյանը՝ ընդգծելով, որ ինքը ոչ մի կուսակցության անդամ չէ, ուղղակի չի համակրում այսօրվա իշխանությանը, ինչպես նաև՝ որպես քաղաքացի աջակցում է Ռոբերտ Քոչարյանին, վիճաբանությունը մեկնաբանեց հետևյալ կերպ.

«Ինքը նյութեր է հրապարակում Ռոբերտ Քոչարյանի մասին՝ որոնք ապացուցված չեն ոչ մի դատական վճռով: Քանի դատարանով ապացուցված չէ, պետք է հաշվի առնել անմեղության կանխավարկածը: Ես գրեցի՝ Բաբաջանյան ջան, ի՞նչ եք ուզում Ռոբերտ Քոչարյանից քանի դեռ ապացուցված չի, նրան քննադատելով Ձեր ռեյտի՞նգն եք ուզում բարձրացնել: Գիտեք, որ «շառ» անելու համար հետո պատասխան եք տալու դատարանում: Դրանից հետո նա ինձ պատասխանեց՝ ինձ սպառնու՞մ եք դատելով: Ես ասացի, որ եթե մարդը «շառ» է անում ու հետո օրենքի ուժով պիտի պատասխան տա, դա սպառնալիք չի, ընդամենը օրենքն եմ ասում: Դրանից հետո գրեց՝ «Թուլա», «Շեֆդ ուրա ա», «Տեղդ ասա, գամ վիզդ պոկեմ» և այլն: Ինքը երբ անցավ չափերը, ես էլ նրան պատասխան տվեցի, բայց ոչ սպառնալիք, ասացի «թուլա» էլի, որը սպառնալիք չէ: Դրանից հետո ես իր համարը ուզեցի, որ հետո չասի՝ վախեցա և այլն. բայց ինքը միանգամից բլոկեց ինձ: Մինչ այդ ես ասացի՝ ամոթ ա, որ իրա նման պատգամավորներ կան, որ կարան քաղաքացուն սպառնան «վիզը կտրելով»,- ասաց նա:

Հարցին, թե հնարավո՞ր է արդյոք, որ վիճաբանությունը առերեսմամբ շարունակվի, Արշակ Սարգսյանը պատասխանեց.

«Չէ, ես իրեն տեսնելու ցանկություն ընդհանրապես չունեմ: Ես չեմ պատրաստվում քաղաքականության մեջ տղայական հարցերով զբաղվել: Սպառնալիքի պատասխանը նա օրենքով կտա, որովհետև տղայականը կարա բերի շատ վատ բանի: Եթե լրատվամիջոցները իմ էջից կտարածեն այս հարցը, ապա իրավապահները պարտավոր են գնալ սպառնալիքի հետքերով, ես կարող եմ այդ դեպքում ոչինչ չանել»,- ասաց նա:

Մեր խնդրանքին, որ տրամադրի մեզ խոսակցության մնացած հատվածը, Արշակ Սարգսյանը ասաց, որ այդ առումով փաստաբանի հետ զրուցելուց հետո կապ կհաստատի մեզ հետ:

150.000.000.000 դրամի կորուստ կառավարության անպատասխանատու արարքների պատճառով

24.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Վավերագրական ֆիլմ Սերժ Սարգսյանի մասին

28.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

«Երկրի հերը անիծողը զարմանում է թե ,ո՞նց կարող է մարդը 40հզ դրամով ապրել».Հովհաննես Խաչատրյան

27.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով